كيف اشوف الزواج

انا شخص عاقل ذكي عاطفياً. اقدر اتنازل للطرف الآخر بمرونة. ما اكبر المواضيع، متزنة. واعتبر محافظة من منظور الناس.

كيف اتخيل حياتي الزوجية اذا الله كتب؟

اتخيل ان فيه تفاهم، وتنازلات من الطرفين. ولو ما قدم تنازلت عندي اسلوب يجبر الي امامي يتنازل.

اشوف امي وخالاتي اجوديات ويقدرن رجالهن لكن لا ادعم التقديس الزايد.

يعني بنطلع لاجتماع، يفشلون يخلون رجالهم بالبيت. رجله يبلش به ما يدري وش عنده تتحقرص لانه ما قالت له بتطلع مستحيه تخاف يشره. والي عازمينه زعلو عليه تخلفت.

بكثير من المواقف يبين الرجل هيبته بطريقة انه يوصل للعيال ان انا ارفع من امكم. اكثر شيء اعارضه!

عندك دليل انك احسن منه؟ او النساء عموماً؟ ما فيه، الا اذا انت اكثر علم. والي اكثر علم يجب عليه التواضع واذا ما تواضع هل هو اكثرعلم ورفعة؟

بتقولون الرجال قوّامون على النساء؟ امنّا بالله، قوله سبحانه. لكن لا تعني هاذي الآية انهم ارفع منزلة. المقصد شيء ثاني وعاد انتم تأكدو من المعنى ما افتي.

عندي زود. لكن ما ابي اطوّل. الي يبي يناقش بدون ما ياخذ الشيء بشخصنة يتفضل💪🙌