هل من الطبيعي اللي بيحصل معايا

​

والله زهقت من الدنيا دنا حتي خايف اعمل البوست الاقي حد بيتريق عليا او بيشتمني من كمية الاحراج بس مفيش حد اشكيله غير نفسي حتي لو هكتب البوست ومش هلاقي حد يدعيلي علي اللي انا انا فيه او يديني نصيحة هو بجد طبيعي ان ميبقاش معايا جنية اجيب اكل واهلي هم اللي يصرفو عليا ولما ادور علي شغل يقولولي مفيش ومحدش عاوزني خالص دنا سألت بتاع 13 محل ومحدش وافق عليا بربع جنية مصدي ومش بس كدا لا الدنيا مضره تعاند معايا والتلفون اللي انا بمشي بيه البوردة بتاعتو اتحرقت وعايزه 1500 جنية عشان اصلحو وهو تلفون ميدفعش فيه المبلغ اساسا بس هعمل ايه طبعا لازم اصلحو لان مفيش تلفون زيه بنفس السعر ده ولكن حتي تكلفته مش معايا ومش بس كدة لا الدنيا خلتني بعيد عن اهلي ومش بكلم حد فيهم ودايما بيلوموني علي اي حاجة والتفكك الاسري كله بسبب الخرا الفلوس انا دلوقت ماسك تلفون امي اللي بتستخدمو عشان تقلب علي الفيس والله نفسي اجيبلها تلفون اكتر منا عايز اجيب لنفسي انا حتي مش عارف اعمل اي فحياتي من كتر الزهق اللي انا فيه ومفيش صحاب ولا اي حاجة ومفيش سلكان بربع جنية لا مش بس كدة ده كمان ابويا وهو بيشتغل عشان يصرف علينا كان شغال ب صاروخ اللي بيقطع حديد قامت الاسطوانة خرجت منه وقطعت وتر من ايده وركب مشامير ومعدش شغال وانا مش بقول الكلام ده عشان استعطف حد لسمح الله انا بس عايز اعرف هو اللي بيحصل معايا في دنيتي هو انا اتعملي سحر دنا كنت مش بسيب فرض صلاه ربنا دلوقتي معنتش بركعها ورغم ذلك انا الوحيد اللي معدول في حياتي انا 14 سنة وعارف لسه قدامي وقت طويل وعارف ان اللي اكبر مني ممكن يفكر ان مر عليه وقت زي كدة بس حابب اقولك لا يا صاحبي والله ابدا ومتحاولش تقنع نفسك ان العمر ده صغيير لدرجة انه مش شايل هم او مش عنده دماغ يفكر بيها وبيرجع لكبيره لان انا من وانا 10 سنين كنت بشتغل في ورشه الامونيوم وكنت بشتغل في درجات حرارة انت متستحملهاش كله لاجل 20 جنية ولا 15 جنية انا بريء لدرجة اللي بيزعلني زعلة وحشه وبيغيب انا اللي برجعله وده مش من قله كرامتي ده عشان انا بحب وبعز اللي قدامي ومبحبش ازعل حد وكفاية ضحكتي اللي مكنتش بتفارق وشي ولساني النضيف والسلكان اللي كنت فيه وانا صغير دلوقتي كله اتشقلب 180 درطة اللي عنده حاجة مفيدة يقولها اللي معندوش ميقولش عشان انا مش غاوي تعب قلب اكتر من اللي انا فيه ومشاكل ياما بس بلاش نحكي عشان محدش يفكرني ان انا بشحت الشفقه