نظرا لضغط الجمهور ( بنتين بس ) على اني اسوي بارت تو اشياء بشتريها ويمكن ابكي لو خلصت علي + هاكات ونصايح اضافيه

تكفون ادعوا لي مو معقول اشحتكم انا المهم انا قدام التسريحه وفاتحه الادراج كلها عشان اعطيكم تقييم منتاز

حابه بس انبه من البدايه عشان م يضيع وقتك انا شخصيا اميل للمكياج البسيط مره م استعمل مكياج للبيس ولا بودره بس كونسيلر احيان وهو نوع واحد استعمله ف يعني البيس م بتستفيدين هنا كله منتجات عنايه وميك اب خفافي

صابون الغار الحلبي بنات ينظف تطلعين تلققققين اقوى من الصابون المغربي الي تتركينه عشرين دقيقه ع جسمك الغار تتركينه عشره ويطلع سموم من جلدك مو بس جلد ميت تقدرين تستعملينه وقت الحمام المغربي او للنظافه ( ما انصح يوميا لانه يجفف وينظف زين ولو عندك اكزيما جربيه ع بقعه صغيره اول من جلدك )

صابون دوف الابيض افضل شيء للاكزيما انسي كل الصوابين الرغويه وامسكي في هذا للاكزيما

شاور جل ديرما بي اللي غطاه كحلي ممتااااااز للاكزيما ولحاجز الجسم المتضرر لو عندك حرق احمرار بعد الحمام المغربي حساسيه احمرار تسلخ حطيه ع المنطقه خليه ثلاث دقايق ثم اغسليه يهدي الجلد فظييييع

لوشن سيراميدكس ماحد يعرفه بس ممتاز للاكزيما والحاجز المتضرر وخفيف يشربه الجلد وم يحرق اهم شي الي عندهم اكزيما بيفهموني

ماسك شعر دوف intensive repair بتستغربين بتقولين يويلي هذا شعري ولا باروكه ليش هاجد كذا رهيب رهيب ( بس مره بالاسبوع لا تستعملينه كثير خليه اطول فتره ممكنه ع شعرك وسوي له طاقية تسخين لو تقدرين )

المساج مع قلبة الراس ( تضغطين ع الجلد وتحركينه مو تفركينه ) ع ضمانتي لو عندك فقر دم بعد بيطول شعرك باسبوع

مجموعة الشعر جلايكوليك من الفيف رهيبه لمعه حيويه نعومه حتى ابوي اللي م يتذكر وجهي لاحظ شعري ومدحه ( مرتين بالاسبوع بسسسسس )

غسول سيتافيل للبشره الجافه ( بشرتي دهنيه ) يحمي حاجز بشرتي ينورها يريحها يخليها مترطبه ومرتاحه ع عكس الغسولات اللي ترغي دايم تعدم البشره

مااااااااسك شفايف لانيج خلاص انسي انسي انسي التشققات والمنظر الغريب انسي يعني خلاص يا امي انسيهم ( طبقه سميكه منه قبل النوم مباااشره ولما تصحي تمسحينه بمنشفه خشنه شوي )

مرطب شفايف لانيج تكمله للماسك احلا كومبو بالحياه نعومه راحه نفخه توريد

سيروم فيتشي الهيالورونيك مدري وش حاطين فيه اسميه سيروم المناسبات حق الفزعه يوم ابي وجهي يتملى ( على بشره نديه طبعا )

سيروم توبيكالز فيديد عليه ضجه ويستاهلها الوحش الاخير للتصبغات نقطه منه لوجهك ونقطه لرقبتك

تونر تير تير لمعه نضاره ترطيب ( يمديك تستعملينه كطبقه اولى مرطب او لحاله ) رهيب للوجه والجسم يخليك تلمعين

دكتور الثيا مرطب ٣٤٥ ترطيبه جيد جدا م يطلع حبوب وناسبني بشرتي دهنيه ويرطب بعمق الصراحه يعني م فيه فزلكه حرفيا يسوي وظيفته وبس ي ر ط ب

مزيل مكياج بيوديرما الافضل ماله بديل يسحب المكياج كانه مغناطيس احبه مره

سيكابلاست/سيكالفيت يخففون احمرار الحبوب ويمنعون انها تتحول لتصبغ يهجدون البشره جدا منقذين

غسول سكوالين اورديناري نفس فكرة الغسول الزيتي بس فرصه حبوب اقل الصراحه ينظف بعمق وبشرتك تمتص كل شيء بعدها ( دلكيه ع بشره جافه ووسخه ربع ساعه ثم دلكيه بموية دافيه ثم اغسليه )

مرطب eos للجسم ريحته ثابته يمتصه الجسم حلوه روايحها وم تدبق ترطيبها جيد

الماسكاتتتتت اليوميه اللي يجي علبه فيه ٣٠ حبه وش اقول ووش اخلي خلاص ودعي العياده ياامي لو تسوين ماسك كل يوم ويكون السيروم الي فيها عاده خفيف ف م يسبب حبوب لو تستعملينه كل يوم

شفرات اكسيز بنات انتبهو من شفرات فلامينجو واي نوع مو حاد هي اللي تطلع الشعر الخشن هذي مره ناسبتني الشعر يقعد اسابيع م يطلع ع عكس فلامينجو

شفتي الزيت حق فازلين الي ودك تلعنين الي سواه لانه ماله فايده ايه حطي منه نقطه ع يدك ووزعيه ع شعرك بيهجد

عطور زيتيه من شركه الرحاب ب ٥ ريال وتمشين كانك فواحه ( حطي منه شوي ع زيت شعرك )

تنت بنفت بنات حاولت اكذب ع نفسي واقول انه الارخص منه احلى بس صدق هذا يفوز ويستاهل سعره يمديني اسوي فيه لوك طبيعي ويمديني اسوي فيه لوك كلاون م اتخلى عنه

مسكرة هيمش م اشيل هم اني اشيل المسكره خلاص هذي بالمويه تنزل كتل وتطويلها جيد جدا

تنت زيت شفاه رير بيوتي لو تحطينه وتخلينه فتره اللون م يروح انسي خلاص تاتو لمعته طبيعيه يرطب ماله ريحه وطعمه حلو ( معليش ) وبديله تنت تير تير والاثنين عندهم رينج الوان ياخذ العقل

جل حواجب got2b لو تسوين حواجبك ع شكل نجمه بيثبت معك

واقي حراره تريسمي الاحمر المعروف لا يعرف بس بذكره عشان عسى نسينا شي