أنا مستغرب من شعبية أوبنتو وسط مستخدمي لينكس في مصر

أي حد جديد يسأل عن توزيعة يبدأ بيها، تلاقي أوبنتو أول ترشيح بشكل تلقائي، كأن مفيش بدايل تانية موجودة.  


مع إن أوبنتو ليها تاريخ من القرارات اللي أثارت جدل جوه مجتمع لينكس. من أشهر الأمثلة إنهم في فترة كانوا بيبعتوا ال search queries اللي المستخدم بيكتبها في Dash (اللي هو بيبحث عن التطبيقات والملفات في نظامك) لخوادم أمازون، ودي كانت من أكتر الحاجات اللي اتهاجمت وقتها بسبب مخاوف الخصوصية ف معرفش بعد الواقعة دي ازاي نثق فيهم.



غير كده، موضوع Snap والاتجاه لفرضه على المستخدمين وكتير من مستخدمي لينكس شايفين إن التوجه ده بيتعارض مع فكرة لينكس في العموم إنهم يدوا المستخدم حرية وتحكم أكبر وبيخليها توزيعة شبه ويندوز اللي بتفرض كوبايلوت وايدج وغيره.



حتى لينوس تورفالدز نفسه رغم إنه مش معروف عنه الترويج لتوزيعة معينة، عمره ما كان بيقدم أوبنتو باعتبارها الاختيار الافتراضي أو إنها التوزيعة المثالية للمستخدمين "هو بيستخدم فيدورا" 

اللي مستغربه أكتر إن ناس كتير بتنتقد ويندوز بسبب التتبع، وقلة تحكم المستخدم في بعض الجوانب، وفرض حاجات معينة عليهم، لكن أول ما حد يسأل عن لينكس بيكون الرد التلقائي: "ثبت أوبنتو".  
رغم إن اللي بتعمله اوبنتو اي توزيعة تانية بتعمله بنفس السهولة ومفيش فرق كبير جدا 

أنا مقصدش إن أوبنتو توزيعة وحشة هي ممكن تكون بتناسب احتياجات البعض رغم عيوبها، لكن فعلا مش فاهم ليه لحد دلوقتي هي الاختيار الافتراضي عند ناس كتير وبالذات المصريين 

أوبنتو والمصريين