My experience being a foreigner in Jordan

بحس tmi بس خلص عادي

​

انا على كل حدا من بلد و التنتين فيهم حروب. و اتطرينا نطلع برا بلدنا.

​

كنت صغيرة لمن صار هاد الإشي كلو و كان اشي نفسي زفت نفسي تنمسح ذاكرتي على الأشياء الي شفتها.

​

المهم بعد ما جينا للأردن كتير كان في تنمر من زملائي بالمدارس خصوصا عشان لهجتي ( بحكي بلهجة بين تبعت امي و ابوي) و كان يقعدوا يحكولي اذا ما بتعرفي تحكي زي الأردنيين ارجعي على بلدك و شو جابك هون و من هل قصص. و ضليت كتيييير اعاني من هاد التنمر و العنصرية.

​

الحمد لله هلأ بعرف احكي اللهجه و حتى بحكي فيها اغلب الوقت بالبيت عشان نسيت لهجتي عشان ما بستخدمها.

​

المشكلة بتعرض لعنصرية من كل الأطراف الي من دولت امي و الي من دولت ابوي و الأردنيين.

​

بس عشان بعرفش احكي منيح لهجت اهلي و اللهجة تبعتي مش قوية.

​

هلأ صرلي يمكن ١٥ سنة بالأردن ، تعلمت اني ما احكي من وين انا الا اذا بحتاج. الناس ما بتقدر تعرف اني مش اردنية اذا ما حكيت و حتى الناس بتستغرب.

​

المشكلة إذا حكيت من وين انا لازم ابلش احكي قصة حياتي عشان اذا حكيت البلد الي عندي جوازها الناس بتطلع فيي انو كيف انتي مش سودا ( اه و بسألو بكل و قاحة) و بعدين لازم اعد احكي قصة حياتي و انا ما الي خلق صراحة. فخلص يختصر على حالي من الاول و كمان عشان لتفادي العنصرية ( لا طبعا حدا زي صحباتي بعرفو من وين انا، بس بحكي انتي اردنية للناس الي مش مهم تعرف).

​

بعرفش احكولي هل هو غلط اني اعمل هيك؟