بوست فضفضة

انا و زوجتي متزوجين من ٥ سنوات و عنا ولدين بحبهم و بضحي بكل اشي عشانهم.

​

من فترة صار في خلافات بيننا و كل مرة بينقلب الموضوع ضدي، خلافات عادية لكن دائما الامور لتتحول بشكل غريب أنني انا سبب المشاكل مع أنه لما استشير غيري التمس الها عذر... يمكن انا تكون مكبر الامور و فعلا انا المشكلة يلاقي أنه في كثير أمور معي فيها حق.... و الناس اللي بستشيرها مش صحاب و هيك، لا! اصحاب متزوجين قبلي و حياتهم الزوجية ناجحة، و كمان نسايبي اللي المفروض يوقفون مع بنتهم، لكن في كثير أحيان بفهم منهم أنه اللي عملته غلط و مع هيك لازم اطول بالي و ما تتسرع باي قرار ممكن يهدم البيت اللي بنيته و انا مقتنع أنه الزلمة لازم يطول باله و في كذا عذر للزوجة أنه يكون المنطق مش واضح عندها أو مش فاهمة وجهة نظري.

​

في الفترة الأخيرة هي ما بدها تفهم وجهة نظري، ولا حتى تحتوي غضبي و زعلي على اشياء بتعملها احنا من زمان متفاهمين عليها انها اشياء بتزعجني لكن الفترة الأخيرة بطلت تهتم و صارت عندها هاي الاشياء عادية و لو انا زعلت ما بتهتم و بتضل معندة.

​

في الفترة الأخيرة صار بيني و بين اهلي خلاف حاد و طلبت منها ما تروح عندهم، اليوم بحكي معها و بباقيها طالعة مع امي و اخواتي، و هذا الشيء زعلني و كسر شوكتي قدام اهلي.

​

الشيطان دخل يقلب في عقلي انهي الزواج أو اني ارجعها لبيت اهلها، لكن ما حسيت بأي شعور داخلي أنه فارقة معي أو لا... ما تفهموني غلط، انا ما بدي انفصل! انا بحب اولادي كثير و بتحمل مر الحياه كله عشانهم و ما رح احرمهم من بيت فيه اب و ام بحبوهم و بحووهم، لكن ما لقيت جواتي اي مشاعر لزوجتي مع اني بحبها كثير كنت، مع انها وقفت معي كثير قبل هيك و مش ناسي جميلها علي... لكن بسبب عنادها المتكرر و في الفترة الأخيرة صار زعلي عندها عادي و مش حاسس أنه الي قيمة عندها.... هذا الكلام من ٤ شهور تقريباً، بطلت احس بأي مشاعر تجاهها بأي شكل من الأشكال بعد أن حسيت انها ما بتهتم انا زعلت ولا لا، ولا حتى أنها بدها تفهمني، كأنني تحصيل حاصل.

​

​