وهم الحب من أول نظرة

ممكن موضوعي يبان تافه بس هو متعبني ونبي نعرف هل انا طبيعية او لا؟
قبل عام صار موقف عفوي في حوش أقارب لي وانحطيت في موقف مع شاب قريب مني في العمر ساعدني في حاجة وبعدين كل واحد مشي في طريقه وكل شي كان عادي، هو للأمانة كان محترم وانا ماركزتش هلبا.
بس مرت فترة وكان يخطر ع بالي من فترة لفترة ونحس فجأة بمشاعر اعجاب غريبة تجاهه وانا ما شفتاش من اللقاء هذاكا!
المشكلة ان انا نفسي كنت نحساب روحي عاقلة وفاهمة وان حاجات عشوائية زي هذي مفروض ما يكونش ليها اثر عليا، وخصوصا اني مشغولة نقرا ونطلع ونقابل في ناس كل يوم بس لسبب ما الموقف هذاك في بالي ونحس بغصة انه منقدرش نقابل الشاب مجددا، وفوقها مستحيل طبعا نمشي نكلمه او شي لان علاقة محرمة بالنسبة لي خط احمر.
ونحس بالاحباط اكثر لما نفكر اني نحس بهذي المشاعر لشخص منتوقعش حتى يتذكرني.
شنو سبب هالمشاعر الغريبة وعلى شنو تتغذى بالضبط؟
مفهمتش