اليوم صفنت عل محادثات واكتشفت ان الي اراسلهم ما يهتمون بي

يعني مجرد وسيلة تسلية فقط ومؤقتة

ركزوا وياي.. هذا الصديق اللي تعتبره كلش مقرب، طول اليوم من تطلع عنده طلعة ويا أهل لو جماعة بالواقع، يختفي وميتذكرك أصلاً. بس شوكت يتذكرك؟ من يرجع يقفل على نفسه بالغرفة الساعة 2 بالليل ويصيبه الملل والكسل.. هنا فجأة يتذكرك ويبدأ يدزلك ميمز ورسايل لأن ما عنده شي يسويه!

سؤال : لو هسة تمسح حسابك وتختفي أسبوع كامل.. منو من هذولة الأصدقاء الرقميين او الي همة اصدقائي حقيقين الي مرات يكون الأصدقاء الرقميين الما ملتقي بيهم من الأساس افضل منه راح يكلف نفسه ويدور على رقمك أو يسأل عنك بالواقع؟ الأغلبية العظمى محد راح يحس، وراح يستبدلوك بشاشة ثانية وشخص ثاني يسدون بيه فراغهم فوراً.

​إنتوا شرايكم؟ حاسين بهذا الشي؟ هل إحنا أصدقاء حقيقيين لو مجرد 'مُسكنات ملل' مؤقتة بحياة اللاخ؟