قبل كل شي اريد اعتذر منكم لان راح احجي بهيج موضوع تافه وبديهي اي احد يعرفه بس اكو البعض يحتاجلهم شرح لكلشي

المهم، اخي واختي العزاز اذا شفت احد مخالف تكدر تبلغ عليه او تراسلنة وراح نحل المشكلة الك ماعتقد التبليغ على الغلط هيج صعب يعني اكو البعض يروح يسوي بوست كامل بس حتى يسوي دراما ويحصل اتنشن من البعض الي بنظرهم المودز لازم يكونون مو خوش ناس وظالمين وراح يحصلون aura اذا حجو عليهم حتلو هم ما مسوين شي غلط يعني بروو شنو الاسهل تبليغ يستغرق ثواني لو تسوي بوست وتحط سكرينات و تكعد تكتب كليشة؟😭🙏🏻

وفد ملاحظة ثانية، ترة احنا ما نعلم الغيب يعني شي كلش طبيعي اذا شفتوا بوست او تعليق مخالف واحنة ما حاذفيه برو يعني احنة بشر وعدنة حياة مو ٢٤ ساعة بالصب ننتظر شوكت فلان وعلان يخالف حتى نحذفله ف لهذا السبب اذا شفتوا شي مخالف بلغوا عليه 

وهمين شغلة ثانية طالعة، شو الرايح والجاي يحجي انو عندي فلان شغلة على المودز عندي لزمة على المودز بس ماحجيه شنو حبيبي تحملنة منية لو شنو مدافتهم اذا عندك شي الخاص موجود واحجي براحتك باختصار حبايبي الي عنده شي مشكلة او ابلاغ او اي شي خل يراسلنة ونحله ما اعتقد يحتاج اعيد الموضوع اكثر واعذروني اذا حجيت بطريقة عبالك رزالة بس هذا ما يمنع انو اضل احبكم واحترمكم وكلكم اخوتي وحبايبي وشكراً.

توضيح مهم لأعضاء الصب