زواج الصغار

عارفة انو اتكلمتو كتير لكن I have to speak out my point

زمان كان موقفي واضح زيكم انو زواج المراهقين لأ وخط احمر لكن شفت تجربة ناس بعرفهم شخصياً 16 عايزة تعرس وهم برفضو اي عريس بجي باعتبار انو هي صغيرة، وهي صراحة من فترة لاحظت عليها الانجذاب للجنس الآخر دا

الصدمة كانت انو اكتشفو انها بتجيب ولد جيرانهم البيت لمن يكون فاضي عشان تشبع رغباتها، عافانا الله وعافاكم

ما عايزين نناقش موضوع انو دا زنا وماف حاجة بتبرروا لكن ما كان الاسلم لو اهلها قدرو انها بالغة وعادي يكون عندها رغبات محتاجة تتلبى؟

ما كان احسن لو كانت العلاقة دي كانت ضمن اطار مشروع وبيضمن ليها مقابلها حقوق بدل ما تلعب ويتلعب بيها؟

يعني انا بشوف انو زي مافي ناس شفع وفعلاً ما بنفعو للزواج، لكن في غيرهم محتاجينه والقوانين دي بتخليهم يكبتو نفسهم ويتحرمو من حقوق مفروض تكون مشروعة ومافيها حرج يعني فيعني في الاخير ما ينفع تعمل حد واحد وتطبقو على كل البشرية، الناس بختلفو والظروف والمجتمعات برضو بتختلف

يعني اسي حتى من ناحية الدين هو صحيح اباح زواج البنعتبرهم صغار في عصرنا الحالي( دا موضوع نقاش تاني لانو زول عمرو 15 اسي ما زي زول عمرو 15 زمان )

لكن نفرق انو الاباحة ما بتعني الوجوب ولا بتعني الاستحباب، واداك الخيار تحكم حسب الظروف يعني لانو في عوامل كتيرة الواحد بقرر فيها اذا لازم يتزوج ولا لا

لكن بتلقى انو الشريعة حببت الحاجة دي لو اتوفرت الظررف والاستطاعة في اقرب وقت زي في الحديث "فانه اغض للبصر واحصن للفرج" ودا عكس البروباغاندا البتبنوها الخواجات ضدنا لأنو حرفيا الشريعة considered حاجات الانسان الجنسية وما قمعتها لكن قننتها