شي مسكوت عنه: الامهات مو ضحايا

اي هذي حقيقه ان الامهات مو ضحايا، سواء البنت كانت معتقله او انها عاشت في بيت فيه اي شكل من اشكال العنف وحتى لو هالعنف او الاعتقال كان يشمل الام تراها مو ضحيه، يبقى لها دور انها ساهمت وضلت مع رجال تعرف ان طبعه ردي، مدمن او يعنفها او يحرمها من الدراسه والخ والأدهى والامر من انها تضل مع شخص كذا انها تخلف طفل ورا الثاني وتشملهم معاها في المعاناه هذي! اتفهم ان الاخطاء تحصل وممكن يجي طفل بالغلط مره ولا مرتين بس اكثر من كذا؟ that’s ignorant
الوحده الحريصه الي حقيقي ماتبغى عيال وتعبت من التربيه بتاخذ احتياطها عشان لاتطيح بالغلط مره ثانيه. الي يخوف اكثر هو ان بعض من هالفئه الي تضل مع زوجها بعدين تمارس نفس الأفكار الرجعيه على بناتها هه! مايهمها موضوع ان بنتها تعيش نفس التعاسه الي هي مرت فيها، اهم شي صورتها قدام المجتمع ان بناتها متربين وانها زوجتهم عاد زوج مدمن ولا مجنون مايهم ولا يهم طموح البنت في انها تعيش حياه معينه
اكثر شي جرحني انها تسقيني من نفس الكاس الي انسمت منه وانا الغبيه الي كنت طول عمري متعاطفه معها والومه. ياناس انا تخطيت كل شي طز مايهمني الا هالشي الا انها تخليني امر بنفس الي هي مرت فيه والمفروض انها اكثر شخص مستوعب الالم وانها ماتتمنى لاحد يمر فيه