تأثير العيشة بالسعودية على الاجانب

عندي صديقة شاميه توظف ابوها بالرياض قبل خمسه وعشرين سنه وجاء وجاب كل اهله معه واستقر بالسعودية من ذاك الوقت
واللي لاحظته مع انهم اجانب مو سعوديين والمجتمع اللي جايين منه مجتمع ليبرالي بحت اهل ابوها واهل امها يعتبرون من الشوام المتفتحين مره مقارنه بباقي العرب ، قريباتهم يلبسون بكيني وينزلون صورهم بالسوشل ميديا ، ووحده من قرايبها مسلمه وتزوجة مسيحي و ولا احد من جماعتها عارض ، ومايعرفون وش يعني حجاب تقول لي مافيه ولا وحده من قرايبها لابسه حجاب، هذي امثله عشان تستوعبون لاي درجه قرايبهم ليبراليين

وابوها بطبيعة الحال كان زيهم قبل لا يتوظف بالسعودية
بس من جاء انهبل ماوصل لسوء اللي عندنا اكيد بس تغير ١٨٠ درجة و تلوثت افكاره لدرجة صديقتي الحين تلبس حجاب اسود وعبايه سوداء ومايسمح لها تحط ولا نقطة مكياج واختها الكبيره انجبرت تتنقب واخوها ليل ونهار ماعنده سالفة غير حجاب المرأة و وظيفة المرأة وقيادة المرأة كل العائلة راحت فيها المسكينة اللي يشوفها ويشوف اقاربها اللي ماقد طبو السعودية مستحيل يصدق انهم يقربون لبعض

قلت السالفة ذي كلها عشان اسأل الاجانب العرب الملحدين اللي عاشو طفولتهم هنا قدرتو تسلمون من تأثير الصحوه ؟ ولا كلكم وضعكم زي وضع صديقتي