I’m the Strong One for Everyone, But I’m Falling Apart

أنا الشخص اللي غالبًا يكون بكل قروب مثل “الأخ الكبير”. عندي أصحاب أصغر مني بسنة أو سنتين أو ثلاث، وحتى اللي أكبر مني يعاملوني كأني أخ لهم. يرجعوا لي بكل مشاكلهم، بكل أسرارهم، بكل المواضيع اللي تضايقهم أو تحيرهم، وأنا دائمًا موجود لهم.
الحمد لله، المحبة من الله، وأنا ممتن لهذا الشيء. لكن بنفس الوقت الموضوع صار متعب جدًا.
أنا دائمًا أحاول أكون الشخص الثابت، اللي يسمع، اللي يساعد، اللي يخفف عن غيره، لكن مع الوقت حسيت إني صرت أحمل فوق طاقتي.
فوق هذا كله، عندي مشاكل صحية أثرت علي كثير ودمرت جزء كبير من نفسيتي وجسمي، ومع ذلك ما أقدر أتكلم عنها مع أحد.
المشكلة إني ما أبغى أكسر صورة “الأخ الكبير” اللي الناس شايفيني فيها. أخاف لو عرفوا اللي أمر فيه، يصيروا يتجنبوا يفضفضوا لي أو يحكوا لي مشاكلهم خوفًا من إنهم يثقلوا علي، أو يحسوا إني ما عدت قادر أتحمل.
وهذا الشيء مخليني أكتم كل شيء.
ما أفضفض لأحد، لأن داخلي دائمًا يقول لي: يمكن أثقل عليه، يمكن أغير مزاجه، يمكن أزيد همه.
لكن مع الوقت، الكتمان صار أصعب. والضغط صار أكبر. والموضوع بدأ يأثر علي نفسيًا بشكل قوي جدًا.
وصلت لمرحلة فكرت فيها بالانتحار أكثر من مرة، لكن الشيء الوحيد اللي كان يوقفني هو خوفي إني أخذل الناس اللي يعتمدون علي أو أتركهم وهم يحتاجوني.
المشكلة إني حتى ما أقدر أفضفض لغريب.
هل فيه أحد مر بشيء مشابه؟ وكيف قدرتوا تتعاملوا معه؟