وش مشاكل الزواج المبكر؟

وش المشاكل اللي ممكن اواجهها اذا تزوجت مبكرا؟ ابلغ من العمر ١٩ ربيعا وابي الحلال في زمن كثرة فيه الفتن. ابي نصائح كيف تغيرت شخصيتكم واهتماماتكم بين ١٩ و ٢٥؟ لاني دايم اسمع اصبر الى ٢٥ لان في هذا العمر يكتمل نمو العقل

وش اقدر اسوي عشان اخلي الزواج ناجح؟ انا في وجهة نظري ان اساس نجاح الزواج هو التوافق وعلاقه حميمية مرضيه للطرفين واهتمام وعاطفه، اذا توفرت هذي الأمور كلا الطرفين بيحاول ينجح العلاقه ويتنازل اذا استدع الأمر. وعن موضوع المسؤوليات انا ناوي اكلمها عن تأجيل الإنجاب ونستمتع بحياتنا بدون مسؤوليات ونعيش حياة حب ورومنسيه وسفر كم سنه بعدها نستقر

طبعا ما يحتاج اذكر ان عندي وظيفه ما بقدم على زواج وانا ما عندي مصدر دخل، والراتب ١٨ الف قبل خصم التأمينات(قبل تسأل كيف ترا كله بدلات راتبي الاساسي ٧ الاف وشي)

وقبل لا تعلق "اصبر واستمتع بحياتك باقي صغير" انت مريت في ذا العمر وتعرف كيف هرمونات البلوغ والتسيتوسترون تخلي رغبتك بالزواج عاليه، واذا اجتمع الفلوس ورغبة عاليه بدون زوجه كلنا نعرف وش يصير الله يبعدنا عنه ويغنينا عنه بحلاله