فيه بنت تخنت؟

معرفش دا المكان المناسب او لا، لكن باختصار انا وزني اقل من الوزن الطبيعي لطولي، وجربت حاجات كتييييرة ومتخنتش، كان عندي انيميا وجرثومة وعالجتهم ومتخنتش، حسبت السعرات الحرارية لأكلي وبقيت اكل كل يوم زيادة خمسمائة سعرة او اكثر ومتخنتش نص كيلو حتى، جربت حليب الصويا واقراص الخميرة وخسيت كيلو الحمدلله، مع العلم ان شهيتي مش مسدودة انا بجوع كتير عادي وكل ما بجوع بقوم اكل عادي، مش شايفة اكلي قليل بس مش كتير برضو، وسط.

المهم عارفة ان ممكن تقولوا روحي الجيم والخ بس انا مش حابة ازيد عضل لأني هضطر اروح الجيم دايمًا ودي حاجة هتكون صعبة جدًا ليا لاسباب كتيرة + اغلب اللي قالي روحي الجيم قالي عشان الجيم هيخليكي تاكلي كتير ونفسك تتفتح، لكن هي كدا كدا مفتوحة.

حكيت كل دا لشات جي بي تي وقالي ان يمكن الحرق عندي عالي جدًا بسبب نشاط الغدة ولازم اعمل تحاليل واعالج المشكلة دي، حد واجه حاجة زي دي من قبل؟ واتعالجت فعلًا؟ او حد عانى وهو بيزيد الوزن وجرب طريقة جابت نتيجة فعلًا؟ انا فقدت الامل