في حاجه حد قالهالي امبارح قلت اقولهالكم

كنا بنتكلم على التوقعات والجواز عن حب واننا بنتوقع او بنستنى كتير اوي وردود افعال معينه وكلام معين من الناس ال بنحبهم ف هو قالي

-انتي عارفة ليه جواز الصالونات حتى الان نسب الطلاق فيه قليلة رغم انهم اثنين ميعرفوش بعض ؟

-عشان مفيش توقعات

-بالظبط فالقليل بيبهر و الطبيعي بيبقا واو جدا

- عكس لو في سقف توقعات عالي فا اي حاجة طبيعية مش مسموح بيها او هتبقا خنيقة و بتعيدنا حساباتنا احنا ليه اتسرعنا في اختيار الشخص

- طب والحل؟

- بطلي تتوقعي او ترفعي سقف توقعاتك اوي متتوقعيش

- او خليكي و افضلي اتحبطي على الصغيرة و الكبيرة لحد ما تتشافي بتركزي على حاجات تافهة ، تخيلي لو الموضوع اتعكس و انا مثلا وريتك حاجة في اسهم البورصة او في ماتش كورة او في عربية مثلا و انتي مدتيش رد الفعل الانا عاوزها و غالبا رد الفعل بيبقا انا مبحبش او ايه القرف ده انا ايه اليخليني اهتم بكذا

-الراجل بقا لو احبط مش هيكبت مشاعرو و بدل ما كان هيتقمص و ياخد جمب لحد ما يتصالح هتقلب معاه بعصبية و نرفزة و انتي ازاي تقولي كذا و انا ليه مبعملش معاكي كدا و فضل مقموص حبة حلوين و قعدتي تصالحي فيه حبة احلى على حاجة عبيطة ورهالك عالتلفون

بالنسبالي الكلام دا صح جزئيا بس انا لو متوقعتش ردود افعال معينه او كلام معين او حتى افعال معينه من الشخص ال بحبه هتوقعها من مين ؟ ولا متوقعهاش خالص بقى ؟ انا اه فاهمه فكرة ان اكيد انا وهو مش نفس الدماغ ف مستحيل ندي رياكشنز بالظبط بيرفكت بس فنفس الوقت انا ستيل هتوقع منك مش هينفع متوقعش كدا هبقى فقدت الامل فيك ، انتو ايه رايكو فالكلام دا ؟