كيف أتقبل إنسانيتي

أنا شخص كثير بحزن على المجتمع والناس، وكثير بنقهر على أي اشي غلط او أي تصرف فيه ظلم، على وضع البلدان اللي حولينا، وضع بلدنا، الحزن بكون طالع من قهر وحب مش لانه اشي صايبني، ما كنت هيك عاطفي وأحيانا كنت عقلاني زيادة، الموضوع صار يوصل للبكا بمعنى بكا، أنا مش زعلان على إني طيب وبالعكس شخصيتي قوية وما حد بتعدى حدوده معي ولا انا بكاية او دلوع على الصعيد الشخصي انا متماسك جدا وأيام بليد تجاه نفسي اذا انا انظلمت. أنا زعلان انه حزني على الناس بلش يوصل مرحلة يعملي إحباط وصار تيجيني منه مشاعر سلبية وأيام بضل منكد بسبب تصرف او خبر شفته الصبح.

كيف أتقبل إني إنسان ما بقدر أغير العالم وما في داعي أزعل عليه؟ كثير بشوف شباب وصبايا هالجيل قادرين يركزوا على حالهم وعندهم شوية أنانية وفردانية صح إنها مرات بتكون زايدة بس عالأقل مريحة ، كيف بتقدروا تكونوا هيك؟

لو سمحتوا بدون مسخرة، وبدون ما يقلب الكومنت نقاش وبدون rage baiting وبدون أي اشي مراهق أو عنصري أو فيه كراهية.

الخاص** مفتوح اذا حدا حابب يحكي بالموضوع برضه.**