هو المشكلة مني ولا كيف

يخوان انا واحد بحب القراءة والكتابة والنقاشات فيها يعني نمسك موضوع نقعد نحكي فيه ونناقشه بعرفش شو بتسموها المهم هي هواية مكتبية فكرية ومنوعات مش موضوع محدد

المهم كثير مرات من قبل هون وبصبات ثانية بس هون اكثر اشي مثلا بشوف ناس ناشرة بدها حدا نتناقش بهيك مواضيع او بكون بده بارتنر قراءة وهيك ومرات انا الي بنشر وفعلا ابعث لناس او يبعثولي ونبلش نحكي، ومن الكلام يكون واضح انه الشخص عجبه الموضوع والحوار ولما نقول بدنا نكمل كل يوم او كل فترة نتناقش باشي او نقرأ اشي (يعني يصير اتفاق) بوافقوا وكل اشي تمام وخلص مثلا بنقول بكرا رح نيجي الساعة كذا نحكي بكذا وهو يوافق وانه بناسبه ... باجي ثاني يوم بلاقي الحساب محذوف، أو مبلكني أو ما بطنشني تماما مع انه في موعد وانا بستنى وبعذر، وبمر يوم ويومين وبلاقيه بتفاعل على الصب عادي

اوك انا عارف انه كل واحد حر واكيد ما الي دخل بس قصدي يعني ليش تعطي اتفاق وأمل وانه مثلا رح نلتقي بوقت فلاني وبعدين ما تلتقي ولا حتى اذا انشغلت على الاقل تحكي اليوم مشغول خلص لبكرا مش فاهم يعني هيك الناس بتتصرف بالواقع؟ ما أتوقع

بلشت أشك انه المشكلة في اسلوبي مع اني براجع نفسي ما بشوف حالي غلطان، هي بس مرة وحدة الي شخص تصرف بشكل طبيعي كانت وحدة ناشرة بوست فكري ولما ناقشتها حبت نصير نتناقش وهيك قلت تمام واتفقنا لبكرا نكمل موضوع لقيتها ثاني يوم حذفت الحساب بس حكت انها بتعتذر لانه ما عندها اشي تناقشه او يعني انه بدها تطور نفسها وانا تفهمتها لانها بينت السبب وخلص.

يمكن ما تفهموني او تفكروني ببالغ بس جد لو تحكطوا حالكم محلي بتستغربوا يعني بكون نقاش حلو والشخص الي معي متحمس وبده نقرأ ونحكي ومرات نتفق على كتاب او اشي وحتى موعد وفجأة بلاقي هيك تصرفات غريبة بدون اي رسالة يشرح شو صار.

طولت عليكم اسف بس هي فضفضة بلكي نسمع آراؤكم ليش بصير هيك.