هل كونك وحيد ذنبك ولا ذنب العالم

يا صديقي/تي زي مامكتوب فوق منو الغلطان في كون صديقنا الوحيد وحيد هل هو ولا انا وانت

في اصناف للوحيدين طبعا ،في ناس عندهم رهاب اجتماعي وده اضطراب وربنا يشفيهم

وفي ناس دايرين يكوّنوا صداقات بس ماعارفين كيف

وفي ناس بيحسوا ان مافي زول بيفهمهم وانهم ما شبه الناس وهم مختلفين

وفي اصناف اكثر من كده بس خلينها على ديل

انا شايف انك كونك وحيد عندك في الجزء الاكبر من المسؤوليه ماهو لو التفت على الزول الجنبك وسالته وسفهك ما حتكون مشكله كبيرة يعني.

الناس مامسؤوله انها تراعيك ولا حتقدر ماهو زي ما انت بتستوحشهم هم حيستوحشوك الزول البمشي للناس القاعدين براهم ده يفتح معاهم مواضيع (البطل الخارق ده) مش موجود دايما .

اما بالنسبه للناس الحاسه انهم ما شبه الناس لا يعزيزي انت شبه الناس بس انت مركز على الاختلافات شديد لدرجه انت ماقادر تشوف اوجه الشبه او مركز على نفسك شديد لدرجه انك ماشايف الناس المعاك من اساسه