عندي ستوكر مللتني

قبل تلث سنين اكتشفتها من التلكرام

سوت يوزر بتلكرام قريب جدًا من يوزري.

كل ما أنشر شي، بعد فترة أشوف نسخة منه أو شي مشابه بحسابها.

من أصل 25 ستوري تقريبًا، 19 منهن كانوا يا نفس اللي ناشرته أو مشابهين بشكل واضح.

استخدمت صور ملف شخصي كنت مستخدمتهن قبل، حتى الصور اللي حاذفها.

صارت تتابع هواي حسابات أنا أتابعها.

وصلت لحساب تيك توك قديم إلي محد تقريبًا يعرفه.

ستورياتي ما بيها أسماء الكتب أو المسلسلات أو الشخصيات، وما تكدرين تسكرنينها، ومع هذا تطلع المصدر وتلكه شي مشابه وتنشره.

عندي بالبايو كاتبة "she, elle" لأن أدرس فرنسي، وهي ما تدرس فرنسي أصلًا، وبعدها حطت "elle".

تابعت أستاذ الفرنسي مالتي، مع إنها لا من مدرستي ولا تدرس فرنسي.

تابعت الكروب الطلابي لمدرستي وهي أصلًا مو طالبة بيها.

عندي حساب إنستا على تلفون أمي، يوزره ما إله أي علاقة باسمي، ومحد يعرفه غير كم شخص، ومع هذا لكته.

مرة نشرت عن المغنية الفرنسية Françoise Hardy حتى أشوف إذا مجرد صدفة، وبعدها شفتها متابعتها.

وآخر شي، نشرت ستوريتين عن كتاب، وبعدها بفترة شفت نفس الكتاب بريبوستاتها.

بالنهاية دزيتلها رسالة محترمة أوضحت بيها ليش الموضوع مضايقني. ردها كان إنها أنكرت أغلب الأشياء، وكالت إن هاي "سوالف مراهقة"، وبعدين كلبت الموضوع علي وكالت أنا اللي أراقبها.

كلش مريضة واذا مثلا انشر ستوري على اي موقع وهيج يطلع بالنهاية لقطة عنونة على كتاب او فلم او مسلسل او اي شي

تضل تنشر عليه تلث اشهر حيل تضوجني الها تلث سنين يعني حسابي انستا اني حاضرتها اصلا نشرت كتاب وحسابي انستا اصلا بتلفون امي ومنغلق ومحد يعرف عنة وهم چلبت بي والنبي تعبتني

أعرف إن كل نقطة وحدها ممكن تكون مجرد صدفة، بس لما يصير كل هذا خلال هلفترة يضوج هلشي

حضرتها من كل مكان واريد اتخلص منها باي طريقة ممكنة