شو الحل يعني مع حبيبتي الماسك تعبت

أنا قبل هيك دخلت بأكثر من علاقة مع tomboys اغلبهم وكل تجربة علمتني إشي عن حالي وعن شو بدي من العلاقة. ولما تعرفت على حبيبتي الحالية وحبيتها كانت شخصيتها طبيعية حنونة وحسيت إنها هي الشخص اللي بدي أكمل معه بس مع الوقت حسيت إنها بلشت تتغير، وكل فترة بصير في تغيير أكثر. مو بسبب ظروف معينة، لأنه تقريبًا دايمًا في excuse أو reason لكل تصرف، بس بصراحة أغلب الأسباب ما بتقنعني.. حالياً النا 3 سنين وبالفترة الأخيرة صرت أحس إني محتاجة منها وقت واهتمام أكثر. بعرف إنه مع الوقت العلاقات بتتغير بس أنا صرت أشتاق للإحساس اللي كان بينا أول دايماً أفكر شو ممكن أعمل؟ وين ممكن نطلع؟ شو في أشياء ممكن ترجع تقربنا من بعض؟ أنا ما بدي إشي كبير، بس بدي أحس إنها بتحب تقضي وقت معي وتحسسني إني مهمة عندها رغم انه حتى لما اكون عندها بالبيت ما بحسها حدا كثير مهتم او لما نطلع ماعندها حماس نفس اول ماعرفتها أنا بطبيعتي إذا تعبت كثير بالعلاقة ووصلت لمرحلة أبكي وتتعب نفسيتي وتركت الشخص بصراحة ما برجعله مشان هيك بحاول أصلح كل إشي قبل ما أوصل لهاي المرحلة وانا تركت اشخاص وما رجعتلهم ابداً حتى لو عندي مشاعر الهم لمجرد انهم اذوني أنا لساتني بحبها، وعشان هيك بحاول أصلح العلاقة one last time قبل ما أوصل لمرحلة أمشي. لأنه إذا وصلت لمرحلة أترك بعد كل هالتعب، والبكي، والتأثير على نفسيتي، غالبًا ما بقدر أرجع بعدها.
حدا مر بإشي زي هيك؟ كيف رجعتوا العلاقة حلوة بعد سنين؟ وهل طبيعي بعد فترة طويلة أحس إني بدي اهتمام وحب أكثر من أول؟