مبقتش عارفة اتعامل مع أمى بجد

النهاردة كنت قاعدة معاها عادي ف هي اليومين دول شاغل دماغها حوار بنت كده كان طالع تريند وسابت بيت اهلها وطفشت والناس قاعدة تسأل هي كانت فين وكده

ف خلقت سيناريو ف دماغها أنه انا هسيبلها البيت واتجوز من وراهم ونزلت شتايم ، بتقولي انتي واحدة وسخة ومش عارفة تمسكي نفسك وشوفي حد يتجوزك وخلينا نخلص منك وكلام من ده

الفكرة ان كل ده من غير أي مقدمات حرفيا ، ومبقتش عارفة أرد عليها عشان بتزود فالكلام ونفس الوقت لما بسكت دماغي بتملعن ، ومن ساعتها وهي بتبصلي بقرف وبتعاملني بطريقة زبالة وبرضو مش فاهمة في ايه