صار لي موقف وسويت جمعية بعده

بحكم عملي في مجال الاستثمارات اقابل كثير اصحاب شركات ناشئه، اللي يبغون مستثمرين ففي مره قابلت دكتور في جامعة هنا في السعودية، بطريقة او اخرى ساعدنا الدكتور يجيب استثمار في شركته من جهة كبيره. بعدها بفترة قابلت شخص خريج من نفس الجامعة وسالتها عن الدكتور، وانصدمت انها كانت طالبه عنده وانه كان يشغل الطالبات اللي عنده على شركته ومشروعه الخاص وطبعا لما سالت هل اعطاكم كردت، فلوس، حصه، اسهم اي شي، تقولي ما اعطاني الا صفر، مو هذا اسوء شي تخيلوا، سمعت من ناس شغالين في نفس الجامعة انه كان يقولهم عادي تطلعون معي عشا ومن اللي سمعته من اشخاص ثانيين انه يسوي ذا الشي دايم مع طالباته. طبعا انا حاولت اساعد الشخص هذا بس امكانياتي محدوده للاسف، لان ماعندي الا اني اوصلها بالاشخاص الصح وأعطيتها اسامي ناس كبار من الشركة، وهذا اللي سويته بس. قررت بعدها اني اسوي جمعية تساعد النساء في مجال الابحاث وريادة الاعمال بانهم يكون لهم صوت ومو اي احد يقدر يظلمهم. وسميتها نصف.
الشي الاساسي اللي احتاجه هو ناس في مجال القانون، واشخاص مهتمين لان الصراحه اشوف الموضوع مهم ولازم يكون فيه انصاف للنساء في المجال هذا. اذا احد منكم مهتم بالله ارسلوا لي رسالة لاني اشوف الموضوع كبير وانا شخص واحد وماعندي الا علاقاتي