&#x200B;

أنا اول امبارح اتفاجئت بتشخيصي بمرض سرطان الدم حاله اسمها  ليمفوما هودجكين الدكتور طمني وقال إنها حالة مبكرة والعلاج مش هياخد أكتر من شهرين أو تلاتة بكتير وهخف تماماً بإذن الله

بس الصدمة والزعل والهروب خلوني أتصرف بغباء رفضت العلاج واستسلمت لفكرة مش فارقة أعيش أو أموت وعملت فيها الشخص الوحيد اللي شايل الهم لوحده كنت باهرب من مواجهة الواقع وبداري خوفي ورا قناع الاستسلام

لحد ما جالي الكلام اللي في الصور ده من حد عزيز عليا كلام وجعني بس فوقني عرفت إني فعلاً كنت ضعيف مش ضعف بسبب المرض لأ ضعف بني آدم خايف يواجه مسؤوليته تجاه نفسه وتجاه الناس اللي شايفاه قدوة او بتحبه او حتها لو مفيش فا نفسي اهم 

أنا قررت أفوق كسم في أي حاجة تانية في الدنيا صحتي ونفسي أهم من أي شيء وقريب جداً هبدأ أول جلسة كيماوي وإن شاء الله كلها شهرين تلاتة وأرجع أقوى من الأول وعادي جداً هعيش حياتي وقتها وأنا بتعالج هخرج وأضحك وأتسلى مع صحابي أونلاين ولا كأن عندي أي حاجة ومفوزش المرض عليا

دعواتكم معايا في الرحلة دي وشكراً لأي حد واقف جنبي وبيفوقني لما بضيع و احب اشكر من كل قلبي ابراهيم سمير و زيرو و بطيخه بجد ناس دول كانوا معايا و بجد بحبكم من كل قلبي 

في لحظات في الحياة بتعدي عليك بتجبرك تفوق وتواجه نفسك