ياريت كله يقول رأيه ويفيدني بجد أنا تعبت

أنا في شغل جديد فيه واحدة مريضة كانت شغالة حاجات كتير فيه، بعد التجديد المدير جاب تلاته، أنا من اسبوع وواحدة جت هنا من يومينمن اسبوع وواحدة من شهر ودي مشيت أول ما خلصت شهر بسبب المريضة دي، كانت بتكيدها بيا وحاجات زي كدا وبعدين من امبارح قلبت عليا أنا، هي عايزة تفضل بنفس النظام تمشينا كلنا، لأن هي دورها صغر جدا جدا بعد ما احنا جينا والمدير كدا ظلمها

هي بتكرهني فشخ فشخ وبتحس بالنقص قدام أي حد خلقه ربنا، المفروض إنها بتستلم العميل تاخد بياناته وتقولي الحاجات اللي هو محتاجها في عربيته وأنا سيلز ببيعله اللي عندنا، مبتعملش كدا نهائي وهي اللي بتتكلم عشان تاخد كوميشن.. حاولت النهاردة أنا أطلع وقفلت ديل وهي فضلت تحشر نفسها وراحت اشتكتني عشان كنت بكلم الصنايعي وهي حشرية قولتلها أنا بتكلم، احنا هنفضل عالحال ده وهي مش عايزة تديني فرصة أتعامل نهائي وعايزاني اخد شغل حسابات اللي مشيت واللي جت من يومين تبقى مكاني عشان هي هطلة مش هتعرف تقفلها، النهاردة بعد الخناقة اللي في الإدارة وده صاحبها جدا من سنين بس نوعا ما بياخدها على أد عقلها ومحايد بس بيعرصلها وبرضو مفيش ولا عربية جت ودخلتها، بفكر استنى يومين وأقول للمدير إنها مش بتدخلي حد وأنا كدا ماليش لازمة... محدش يقولي احاول اكسبها لأن في تفاصيل كتير جدا مقولتهاش عنها زي إني في بداية العشرينات وهي اكبر مني ب15 سنة ومعندهاش حياة نهائي غير الشغل وممشية الدنيا وبتاخد المدير على أد عقله وحكيالي حاجات بتعملها فظيعة زي إنها سبب مشيان ناس قبلي وإنها في كره دايم مع أهلها وبتدعي عليهم قدامي وكل تفصيلة فيها بتخوف وبتحب ضياء العوضي، وأنا معنديش أوبشن إني أمشي.. ياريت تدوني حل