عن تجربة رأيك في اهم مواصفات الزوجة

معلش عارف الموضوع اتهرس كتيير و لسه شايف بوست

واحد هنا بيقول تجربته بعد سنين جواز من رأيه ايه اهم صفات

طيب انا واحد عايز بنت تكون طيبة سهلة في التعامل

بس بردوا عايز بنت اكون منجذب ليها

سواء بقي من اسلوبها دلعها انثوية

انا ليا تجربة خطوبة و البنت كانت كدة و كانت كويسة كشخصية بس كنت عايزها تلبس اوسع شوية

و اتكلمت في ده من الاول و وافقتني بس لقيتها في جزئية انها بتحب تتصور علي السوشيال ميديا ب طريقة تبرز جسمها

هي بتحب تلفت النظر ببساطة عامة و ده اتأكدت منه بعد فترة ، هي مش مجرد واخدة علي ان ده لبسها و ده كان من احد الاسباب ان فركشنا

غير انها كشخصية اكتشفت انها مادية جدا و مش مسؤولة خالص

بس في نفس الوقت ليا صديق حكي عن مشاكل حصلت مع مراته وكانت هتوصل للطلاق

قال مهم يبقي في انجذاب لان ده بيحل مشاكل بردوا و حاجات بتعدي

فسؤالي ، قد ايه ده مهم من وجهة نظرك و اي مستوي من الانجذاب بعد فترة هيبقي زيت زي عبيد من الاخر

البوست اللي بتكلم عليه قال مهم انها واخدة بالها من جسمها و بتاكل اكل صحي و تكون عاقلة دماغها كبيرة

انا متفق مع الاتنين فعلا

بس لو كانت شخصيتها و دلعها مش باين خالص هل هتبقي حياة مملة

هل مهم تكون بنت انثوية في طريقتها كدة عشان يبقي في انجذاب