يمكن القضيه معقده بدي ياكم تفكرو بحل معي

عندي صاحب تعرفت عليه من الصف العاشر

بصراحه شب طموح كثير

عنده احلام حلوه بده يتعلم الماني ويسافر ويعمل مشاريع وعقليته كثير حلوه الله يحميه

بس المشكله اللي ملاحظها انه اهله خصوصا ابوه بحس تعاملهم معه مش طبيعي

كل ما اقوله شو رأيك نطلع انا والشباب يكون جوابه

يزم والله ما بقدر

بالبدايه فكرت انه ببالغ او داخل بدور الضحيه

بس لما سألته ليش بلش يحكيلي اشياء خلتني استغرب

بحكيلي ابوي كثير بشدد علي

حتى مرات ما بحكي معي

وتلفوني خرب من سنه ونص وبحاول يجمع او يشتري واحد وما حد راضي يساعده

ولما يطلب يطلع معي او مع الشباب ابوه يرفض

ولما يسأله ليش يكون الجواب

بدون سبب

واحنا اصلا بنص العطله

حتى لما حكاله عندي توجيهي وبدي اشتري اغراض للدراسه ظل يقنع فيه بصعوبه كبيره

وصاحبي بحكيلي انه ابوه بصير يصرخ عليه على ابسط الاشياء

اللي مستغربه اكثر انه عنده تسع اخوان

وبحسب كلامه حياتهم معهم طبيعيه

الا هو بحس انه ابوه بعامله بطريقه مختلفه

حتى صار يحكيلي مرات بحس ابوي بكرهني

اما امه بحكي انها على الاقل بتتعامل معه بانسانيه

بصراحه انا خايف عليه

لانه اذا ظل الوضع هيك لفتره طويله بحس ممكن يأثر عليه نفسيا بشكل كبير خصوصا بلش مؤخرا أن يعمل اشياء مش مريحه نتيجه تاثير عائلته عليه بنسبه ألي ما بقدر تحكيها بلاش المنشور هذا يطير

فشو رأيكم

هل اللي بصير معه طبيعي

ولا فعلا في مشكله بطريقه تعامل ابوه معه

وكيف انا كصاحب بقدر اساعده او اوقف معه بدون ما ادخل بشي اكبر مني