طبعا زي ما كلنا عارفين، إنجلترا والأرجنتين هيلعبوا في نص النهائي.

أنا كمصري مش عارف أشجع مين دلوقتي:

\- أشجع منتخب الاحتلال الإنجليزي، صاحب لقب أكتر منتخب زياط في العالم، واللي عمري ما شجعته قبل كدا من كتر ما هو زياط وبيصدع دماغ الكوكب كله كل كاس عالم ويورو؟

\- ولا أشجع منتخب طفل الفيفا المدلل، اللي وصل مكانه دا بمجزرة تحكيمية صريحة على حساب مصر، ولولا التحكيم كان زمان مصر هي اللي لاعبت سويسرا، ومش بعيد كانت هتلاعب إنجلترا نفسها دلوقتي؟

\- أنا بقول يا رب الكسبان في الماتش دا، أيا كان اسمه، يخسر النهائي… سواء قدام أسبانيا، أو قدام فرنسا بقيادة الديكتاتور مبابي 😆

هتشجعوا مين في الماتش دا؟ ويا ترى الغالبية في مصر هتشجع مين؟ (بعيدا عن جمهور ميسي طبعا، عشان إجابتهم معروفة… دول شجعوا الأرجنتين ضد مصر نفسها)