محتاج شغل

يا جماعة، محتاج مساعدتكم.

بدور على أي شغل أونلاين أقدر أعمله خلال الأسبوعين الجايين. أنا محتاج أوفر فلوس بشكل سريع عشان جلسة علاج لوالدتي، وفي نفس الوقت مش حابب أطلب مساعدة من حد، أنا بدور على شغل أقدر أتعب فيه وآخد حقه.

أنا بشتغل حاليًا من 9 الصبح لـ10 بالليل، وباخد 150 جنيه في اليوم، لكن المرتب كله تقريبًا بيروح على مصاريف البيت من أكل وشرب وعلاج، واللي بيفضل بحوشه عشان فواتير النت والكهرباء والغاز، فصعب جدًا أوفر أي مبلغ زيادة.

بالنسبة لمهاراتي: بعرف أشتغل على Excel كويس مستوايا في الإنجليزي B1. عندي أساسيات برمجة، وخلصت أول 4 كورسات من كورسات المهندس أبو هدهود. بعرف أتعلم بسرعة ومستعد أعمل أي شغل محترم يناسب مهاراتي، سواء Data Entry أو شغل Excel أو Virtual Assistant أو أي حاجة مشابهة.

لو حد عنده فرصة، أو يعرف حد محتاج شخص يشتغل، أو حتى يقدر يدلني على مكان أقدم فيه، هكون ممتن جدا. .