الغيرة
انا نص وقت التليفون بتاعي ريديت بس ف انا هنا فاهم اوي انواع الناس
بتكلم في كل مواضيع الحياة واي وكل حاجه مهمها كانت هنا
من ضمن المواضيع دي بتكلم مثلا عن البنت الي بحبها
كل مرا بتكلم عنها مثلا بلاقي هجوم غير مبرر بلمرا
يعني انا ناشر اسكرينات شات عادي وبحكي حاجه
في بعض المرضى٬ سابو الموضع كله ومسكوا في الأخطاء الإملائية
والي بيقول واحنا استفدنا ايه من نشرك حاجه زي كدا(بحكي مشكلة مضيقاني وبعدين نص ريديت زي كدا)
هجوم من غير اي تبرير مهما كان٬ ومش اول مرا تحصل يعني في مرا كان في بوست بيتكلم عن البنات وكدا وان احكي مثلا موقف حصل معاك
انا بحكي وبقول ان هي محجبة حجاب شرعي وكويسة وبنت ناس ربنا يبارك فيها
المهم انا حكيت عيب فيها يعني عادي زي اي حد
وصاحبة البوست انا اول مرا اشوفها يعتبر ومفيش حاجه بيني وبينها
بدون اي مقدمات قالتلي٬ بس فيها العيب الفلاني(لما انا قلت انها محترمه)
انا مكنتش بهاجم ولا بوجه كلام لحد انا بحكي قصة بيني وبين نفسي
قلتله وانتي ايه الي يخصك٬ هي جت جنبك
قالتلي بس يالي حبيبتك فيها كذا وكذا
طيب دا ايه دا طيب؟
ومش كدا وبس٬ انا طويل 186
ف مثلا لو في بوست عن الطول واكون بحكي كدا عن مميزات او عيوب او كدا
كتييير اوي٬ يجي يقولي هتلاقيك كداب وانت 170 اصلا
طيب يبني انا مجتش جنبك٬ وهكدب ليه ولو كدبت ايه الي ضارك
دي مواقف ريديت لو هحكي مواقف في الحقيقه مش هخلص
في مواقف كتير هنا برضو بس نسيها حاليا
وفي مرا تاني جيت حكيت اني كان قدامي اغش في الامتحانات ومغشتش
لقيت بيقولي انت بترائي الناس٬ طيب يبني انت دخلت جوا نيتي ولا عرفت بفكر في ايه اصلا
Posted Jul 23, 2026, 5:15 AM UTC