هو انا بيحصلي ايه؟

انا من كام يوم حكيت إن إمي ادتني مية اشربها و قالتلي انها مقرأي عليها قرآن و هي اللي قرأته بنفسها و شربته بس عامة هو مكنش مية هو كان مشروب كركديه و اللي عرفته بعدين بعد ما شربت انها راحت ل شيخ او دجال معرفش المسمى الوظيفي ايه و كان مدوب في المية ورقة كاتب فيها (قرآن) ب (قلم احمر) و علشان كدا عملت من المية كركديه علشان ما اخدش بالي

انا يا جماعة قبل ما اشرب كنت كويسة اه عندي شوية مشاكل في دماغي من ورا بس متعايشة بصحي عادي بنام عادي باكل عادي انا كمان معيطتش بقالي سنتين مثلا و كان بسبب حاجة في الشغل و بسبب ضغط دام ايام و انفجرت

دلوقتي انا لما شربتها علطول دوخت و دا قبل ما اعرف هي ايه اصلا و بعدين سألت امي فقالتلي حوار انها دوبت ورقة فيها الفاتحة في المية بعدها بطني وجعتني و بعدين بليل مكنتش عارفة انام و قعدت اعيط كتير جدا

اليوم عدا انا نسيت بس انا من وقتها لا عارفة انام في معاد ولا عارفة اصحي بنام بصعوبة بليل متأخر و بصحي بعد ١٠ ساعات و بعيط بلاقي الدموع بتنزل لوحدها و انا مش متضايقة و بيجيلي اوقات بحس باختناق غريب

انا مش فاهمة في ايه بس مفيش اي حاجة تانية حصلت او اتغيرت غير دي انا حتي كان عندي البيريود و خلصت و المفروض حالتي النفسية تبقي احسن بكتير عن كدا و اه يا جماعة امي شربتهولي وانا حتي مش متوضية علشان هي متعرفش حاجة خالص و لو انا كنت اعرف الميك دي ايه كنت قلتلها

دلوقتي بجد انا بيتهيألي؟ انا مش فاهمة في ايه بس انا مش طايقة حاجة و مش عارفة اتعايش انا حتي ما أكلتش حاجة من امبارح الصبح غير ايس كريم مش قادرة اكل