العطاء المادي/المعنوي

صار بيني و بين قريباتي نقاش و خلاني اتسائل، لمّا نسمع ولا نقرأ عن سوالف الرجال يكونوا يتكلموا في الغالب عن جانب الفلوس و الضغط و يكون ماخذ حيز كبير من تفكيرهم " فاهمة و مقدرة الضغط اللي عليهم من هذي الناحية "

في المقابل أنا ك بنت موظفة ( مو رأيي لحالي ) نشوف ان العطاء المادي من أسهل و ابسط انواع العطاء بالنسبة لنا و لا نبحث عنه قد ما نبحث عن باقي الانواع العطاء العاطفي/المعنوي و الخ ..

ف هذا الموضوع خلاني اتفكر عن الاختلافات بين الجنسين من هذي الناحية

العطاء المادي بالنسبة لنا سهل و بسيط .. في المقابل هذا النوع يعتبر صعب على الطرف الثاني الرجال ( محد يلومهم )

و باقي انواع العطاء اللي كل الاطراف تحتاجها و تدور عليها مسحوب عليها نوعاً ما من ناحية التركيز ( من الطرفين )

و لمّا قعدت أفكر، الفلوس تروح و تجي و الوضع المادي محد يضمنه ١٠٠٪؜ ف العطاء فيه متذبذب و يعتمد على عدة عوامل.

عكس باقي الأنواع العطاء اللي لو فهمناها صح نقدر نعتبرها اسس ركيزة في نجاح العلاقة بين الطرفين.

ف اتخيل لو ان كل الجنسين " الواعين " ركزوا على توعية نفسهم في فهم ذاتهم و معرفة طرق العطاء المختلفة راح تخف المشاكل و يحظى الطرفين بعلاقة صحية متوازنة

كتبت البوست عشان ودي ارتب افكار مخي، الله يرزق الجميع العلاقة الصحية الواعية اللي يدور و يحتاج لها 🤲🏻