خلي نحچي الصراحه على ريديت😁

هوه صح اكو منشورات خايسه بي ومو منطقيه وهواي كلام يخالف ديانتنه وافكار تخالف ديانه الباقين حتى ويخالف اخلاقنا وخاصتا الحرام هنا 😵‍💫 بس يبقى كل برنامج اله سلبيات طبعا، اني اموت على ريديت وتطبيقي المفضللل✋🏻هسه تگولون ليش لأنو اول شي محد هنا يعرفني من اصدقاء ولا اقارب ولا عائله ف هنا شما تحچي وتنطي رايك بكيفك شتريد تنشر بكيفك فعلا هنا معنى الحريه حرفيا وخاصتا اني بس لو اعرف وين چنت من ما عرفته (سنه ونص حاليا اني بي)ف نشرت هواااااي اشياء لأن ماكو احد احچي وياه لا اصدقاء ولا عائله تسمعني ولا اخوان يسمعوني وخاصتا اني اخر العنقود ف اكثر انسان محد يسمعله ويبقى وحيد لأن الكللل اكبر منه😊💔

هنا اشكي وهنا انطي افكاري وهنا انطي ارائي صح اكو ناس يغلطون بس شسويلهم اردلهم و الله كريم وكلشي احجي هنا اي فكره اي موضوع احچي هنا لأن عالأقل اشوف اراء مختلفه وكذلك هنا يحبون النقااش جدا واني من هذا النوع ف فادني حيل عن الواقع لأن محد اله خلگ بالواقع تگله السلام عليكم يگلك اسكت🤗

شنو بالنسبه الكم الريديت ؟ وهل تحبو ولا ندمتو عليه؟