كمان فضفضة عشوائية

اليوم حفل تخرج وحدة كنت اشوفها صاحبتي الوحيدة، كنا دايماً نحكي مع بعض وكنا ندعم بعض بحزننا ، بس بعدين تغيرت علي حاولت كثير أصلح علاقتنا كانت كل مرة تبلكني ارجع أتواصل معها ،بآخر مرة كانت منزلة بوست تخرجها وانا باركتلها بالتخرج مثل كل الناس وبلكتني، بضحك انه اول ما هي دخلت الجامعة ما كانت تحب تخصصها كنت اواسيها وادعمها وكنت اعمل اي إشي عشان انسيها حزنها واحببها بتخصصها ، بس لما يمكن حياتها تحسنت تغيرت علي وراحت لناسها الجداد ، يعني كل الناس باركولها بالتخرج اما انا بلكتني 😂 بحس انه هي شافتني صاحبتها بالحزن لكن بالفرح ما بهمها

وانا كمان هالفصل تخرجت بس هي ما حاولت ابداً تتواصل معي أو تباركلي،بضحك كيف الحدا الي كنت تحكيله عن حزنك صار هو حزنك، تركتني بدون سبب واضح وكل ما حاولت أصلح علاقتنا كانت تخرب بزيادة،في كمان بنات من نفس جيلنا تخرجوا هالفصل بشوفها تباركلهم بالتخرج بالطف كلام بينما انا يلي حاولت الف مرة احببها بتخصصها وافرحها ما فكرت ولا مرة تطيب خاطري بعد ما كسرته.

مع الوقت الواحد بصير يزهق حتى ببطل يحاول يصلح علاقته فيهم ،بس ما بنسى كيف نكسر خاطري وبسأل حالي الف مرة طيب ليش بعد ما كنا أقرب الأصحاب صرنا هيك!

حتى مرات بفكر بأنه انا يلي خربت علاقتنا بمحاولاتي اني اصلحها ،ممكن لو كنت تقبلت من الأول ما كنا رح نوصل لهون وكانت رح تعتبرني مثلي مثل غيري، بس لو انا بالنسبة الها مثلي مثل غيري ليش ما عاملتني مثل غيري ؟ مع العلم انه حرفيًا ما صار بيناتنا اي مشكلة ، هي يلي كانت تبلكني كل مرة وحتى قبل سنة كنت اشوفها تعمل حالها مش شايفتني، بعدين بلكتني بكل المواقع، مرات بقول الله يسامحها وخلص كل حدا منا يلتهي بحياته، بس بس بظل خاطري مكسور منها وبتمنى بس لو اعرف ليش عملت هيك مع انه كنا قراب كثير.

عموماً الوقت دوا لكل اشي