كيف اصلح علاقتي مع اخوي الكبير ؟
عمره 22 وانا 20 وعلاقتنا سيئة جدا وتحس اننا مو اخوان محد يتكلم مع الثاني دايما بس كذا واحد يسوي اشغاله قليل الكلام الي بيننا ومافي ميانة نهائيا
الاحترام والتقدير الي هو شرط من شروط العلاقات الانسانية غايب بيننا هو بس يجلس يهزء فيني ويحتقرني وتوصل مرات الى انه يجلدني بالسلك او بأي شيء على اقل الاسباب
وانا بالمقابل احاول اني اطفي المشكلة ولا ازودها ونحنا ترا من زمان كذا ما بيننا علاقة اخوية زي اكثر الاخوان
اذا طلبت من اهلي المساعدة يقولون انو عادي فترة وتعدي تحمل حنا يوم كنا ب اعماركم كنا نتهاوش مع اخواننا والحين تغيرت علاقتنا للأفضل بعد ما كبرنا
بس ياخي ياجماعة حسب تحليلاتي ماني حاس ابدا ان فيه مؤشر تغيير يرفع العلاقة بشكل ايجابي وفعلا نكون اخوان
هو انسان منعزل انطوائي بحت كل الوقت يكون لحاله حتى يوم يركب سيارته يسوق دائما لحاله يفرفر فيها
تدرون ليش جيتكم اليوم وطلبت منكم المساعدة ؟
عشاني راح اسافر في نهاية الشهر الجاي شهر اغسطس للدراسة برا السعودية وما راح ارجع الا بعد وقت طويل
وحبيت اني احسن العلاقة على الاقل قبل ما اروح …. والله المستعان
Posted Jul 26, 2026, 11:52 PM UTC