مش عارف استقر على حاجة

أنا قصتي باختصار اني مهندس بس شغال في مجال و في شركة مش عايشين معانا في العالم مش احسن حاجة ك مرتبات ولا اي امتيازات بقالي ٣ سنين و مرتبي موصلش ١٥ الف الحمدلله على كل شيء بس أنا مش عايز أكمل شغل في المجال نفسه و بحاول بقالي اكتر من سنة و نص في مجالات كتير علشان ألاقي شغل ريموتلي بس من كتر ما أنا مضغوط في الشغل بتاعي دا و أنا مستعجل ف ده بيأثر عليا في اي مجال أتعلمه اللي هو بمجرد ما أتعلم الbasics بقول خلاص يلا اشتغل ف اكتشف اني بعيد كل البعد عن اني ألاقي شغل و أنا متفهم ان ده طبيعي تاني حاجة أنا جربت اكتر من مجال أتعلمه بس للأسف مش عارف استقر على مجال فيهم مؤخراً استقريت على مجال ال Data analytics و بذاكره رغم انه هياخد مني وقت كبير بس في نفس الوقت مش قادر اديله وقت كافي بسبب شغلي بصراحة بقيت حاسس اني تايه و مش عارف اعمل ايه عايز اخلص من المكان اللي أنا فيه لانه خلاص بيستهلكني نفسياً و بدنيا و في نفس الوقت حاسس اني معملتش حاجة اقدر على الاقل اتسند عليها في الناحيه التانيه
ممكن حد يكون عنده نصيحه تكون مفيده بناءً على خبره في مجال الفريلانس او غيره علشان أنا من كتر ما بفكر دماغي خلاص فصلت