وش تغير مع تحسين صحتي

السلام عليكم ورحمة الله وبركاته

حاب اذكر تجاربي في تحسين صحتي و وش نتج عنها في حياتي اليومية كون كثير اشخاص يدخلون هذي المجموعة مبتدئين سوا في الرياضة او التغذية وما الى ذلك

بدل ما اكتب مقال طويل بكل صغيرة و كبيرة قلت بكتب ايش الأمور الي فرقت معي السماء عن الأرض حبة الأفوكادو مي مخليتك سوبرمان فيه امور اهم

1- تقوم من نومك يوميا على نفس الساعة

ماتتخيل انك حتى لو نمت ساعات اقل لكن تقوم على نفس الوقت وجسمك يتأقلم عليها في نشاطك تركيزك و جودة نومك

حتى تطبيق الساعة الذكية كل يوم يعطيني ارقام افضل نوم عميق افضل و مرحلة نوم ريم افضل وبساعات نوم اقل من السابق!

حتى بدون المغنيسيوم جلايسينيت مع اني شبيح لهذا المكمل الجميل

2- لاتتمرن قريب وقت نومك

عارف كثير بسبب دوامه ومشاغل الدنيا بيأخر التمرين لمنتصف اليوم او حتى بأخرة لكن حاول تتمرن بدري عشان مايأثر على نومك

الجسم ياخذ ساعات لين يهجد بعد التمرين ، شفتها عند ناس كثير منهم عندهم ووب بالرسم البياني فقط لإنه تمرن قريب وقت نومه

يوم قام من نومه

HRV low

RHR High

Sleep score lower

كل مؤشرات النوم اسوء

3- نقص التغذية يحتاج وقت تتعالج منه حتى لو بالتحليل ماعندك نقص

كثير شباب سوا من تغذيته يعرف عنده نقص او من تحليل مختبر

لكن المغذيات تختلف فيه بعض الفيتامينات او المعادن بفترة قصيرة جسمك يعالج النقص ويتشافاء منه

حتى لو تحليل المختبر امبين ماعندك نقص لايعني الجسم انتهى من معالجة جسمك الموضوع ياخذ وقت اطول بكثير

لإنهم يقيسون المستوى الي بالدم محد يقدر يقيس المستوى داخل الخلايا وهو مربط الفرس

بمعنى اصبر بعضها ياخذ اسابيع او اشهر لين خلاياك من الداخل تاخذ حاجتها وتشوف الفرق الكبير عليك

تصحيح المستوى فالدم اسهل شيء

زي بعض مرضى السكري الله يشفيهم ممكن تلقى عندهم الفيتامين سي مرتفع بالدم لكنه مانتج عن زيادة اكل او مكمل بل انه مو قادر يدخل الخلايا

4- كل الي تهضمه

قد تكون بديهية بس محد يطبق حتى الي يقولها

كل انسان له قدرة على هضم انواع اكل و بكميات معينه

اضرب مثال على نفسي ما اقدر اكل كميات كبيرة من الرز او الخبز او حتى البطاطس ، طبيعة اكلي يغلب عليها الدهون و البروتين

انت و الي يناسب جسمك ، اشوف كثير من الناس يتفنن بأنظمة غذائية و ماكروز بس مايقدر ياكلها كلها و هم مايقدر يهضمها زين

وتتسائل ليه غثيان وماعندك طاقة ولا لك خلق

النتايج:

نشاطي اعلى ، تركيزي اعلى ، كثير امور اقدر اسويها بدون ما ادف نفسي دف

حقين الwillpower

ماتتخيل كثير امور كنت اشتغل عليها وادف نفسي دف اكمل عليها على اساس willpower

اخرتها جسمي الي تعبان مو مسألة ارادة ضعيفة او قوية

استشفائي بالنادي افضل بكثير بل ان ودي اتمرن اكثر

معدل ضربات القلب عندي انخفض ، الخفقان اقل بكثير