ازاي انتشل نفسي من اللي انا فيه!

محتاجة بس حد يوجهني او يقولي لو مر باللي انا بمر بيه وقدر يكمل انا من وانا صغيرة وانا متفوقة جدا البنت الشاطرة والذكية والمؤدبة وكل الكلام ده كل سنة طبعا برتب على الدفعة كلها من تالتة ثانوي دي مرحلة التحول عملت كل اللي قدرت عليه ذاكرت كتير وحليت كتب كتير بس ربنا موفقنيش وكنت اول صدمة لاهلي بس هما حبايبي مزودوش عليا وخلوني محسش بأي حاجة مكانش متاح ليا غير كليات زي تجارة وتربية وحقوق والكلام ده فادخلت تجارة ولاني كنت عايشة في دور الضحية لفترة طويلة اول ٣ سنين ماروحتش ولا يوم ومذاكرتش كل صحابي اللي كانوا في ثانوي قطعت علاقتي بيهم اصلا ومبقاش ليا حد وفي جامعة منزلتش فامعملتش اي صحاب وتقديري جيد مبذاكرش مبعملش اي حاجة دلوقتي انا داخلة آخر سنة محققتش حاجة وحياتي باظت مبتقبلش في تدريبات الكلية ملهاش مستقبل مليش صحاب معنديش حياة عمري ما عيشت دور الضحية قدام حد دايما حتى قدام اهلي بحمد ربنا وببين اني مرتاحة انا محدش شايل هم الدنيا على قلبه قدي حاسة اني تايهة وحياتي متنفعش تكمل اكتر من كده انا على الحافة