عندي رقم حاطه في جهاز نوكيا قديم استخدمه للاتصالات في حال جوالي الاساسي صار فيه شي. المهم النوكيا خرب وشريت جهاز اندرويد مشي حالك. لما حطيته فالجهاز قلت خلني افعل الواتس ولما دخلت لقيت الرقم مستخدم ومقفل برقم واميل. طبعا لان otp عندي الواتس قفل عليه وجلست كم يوم وسمح لي احذف الرقم والايميل وهنا الصدمه. لقيت الصوره الي حاطها شعار كلنا امن وطلعت لي قائمه ارقام طويله عريضه ثلاث ارباعها مكتوب عليها (مبلغ) اتوقع الارقام الي حاول ينصب عليها وقالوا له راح نبلغ عليك. طبعًا اول شي سويته رفعت بلاغ جريمة الكترونية في كلنا امن وفي انتظار ردهم. ما اعرف كيف قدر يسجل بدون otp لان الرقم عندي من سنين. المهم اي شخص عنده رقم ما يستخدمه فالواتس اقل شي ابحث عنه وشوف هل احد يستخدمه. ما اعرف اذا مهم شريحتي زين شحن وشيكت ان ماعليها تحويل مكالمات واتصلت على زين وقالو مافي الا شريحه وحده لكل رقم  

تنبيه مهم