كيف تتعاملون مع الكلام اللي ينقال لكم بالعزايم

بقول لكم سالفة صارت لي واحس انحطيت بموقف اجتماعي غريب صراحة ما عرفت وش ارد

قبل اسبوعين كان زواج اخو زوجي وامس كان عشاء النسايب الجدد ببيت اهل زوجي

المهم من يوم الزواج لين عشاء امس ما تقابلت انا وخوات زوجي وزوجة اخوه (زوجة اخوه القديمة اللي متزوجة قبل ٤ سنوات مو العروس) فالجلسة كثير داخل فيها سوالف عن الحفل.

المهم بالجلسة قاعدة تمدح اخت زوجي تقول امي وخواتي يقولون انك تهبليين وانهبلوا على شكلك ولبسك وانصدموا لما قلت لهم انتي مسوية الميكب. وفستانك كان حلو وشعر وابيك تسوين لي ميكب زواج اخوي ومن وين اخذتي فستانك باخذ نفسه

بعدين لفت علي قالت فستانك بزواج فلان كان جديد والا قديم؟ قلت لا جديد. قالت غريبة خواتي يقولون نفس فستانك بزواجي قبل ٤ سنوات قلت لا مو نفسه بس قريب من درجة اللون.

بعدها قالت امي تقول يا حياتي من فلانة شكلها بردانه كان ودي امسكها أجلسها جنبي عشان تتدفى. قلت ايه ذاك اليوم اصلًا كنت تعبانة وطلعت بدري. طبعًا كلامها كله قدام الحريم بالصالة هذا اللي احرجني شوي ولا عرفت ارد عليها

بس يوم رجعت البيت جاني شعور ان كلامها لي يقهر يعني تمدحين بالناس وتقولين خواتي يقولون فستانك قديم وامي تقول انك بردانه؟
يعني مدري انا حساسة والا فعلًا تصرفها ما كان لائق. شرايكم