٣١ مبتعث في امريكا

أولًا: معلوماتك الأساسية

اولا شي مهم عني قبل التفاصيل انه انا في امريكا و فاضل فيها ممكن ٧ السنوات القادمه دراسه و تدريب.

العمر ٣١ من الحجاز (غير قبلي) و اهلي في جده و مكه لكن من سكان الرياض.

ثانيًا: القيم الدينية والعائلية

مسلم سني. ملتزم بالصلوات الحمدلله. احب اروح المسجد، و احول اخليها روتين.

ثالثًا: التعليم والعمل والدخل

مبتعث دراسات عليا في امريكا

وش طبيعة شغلك؟

في فترة التدريب و الدراسة, الدوام يكون غير ثابت و وقتي ضيق. لكن ان شاء الله بعد مراحل التدريب و على وقت التوظيف يثبت الدوام. الدخل رزق من عند الله. الحمدلله تربيتي اساسها غير مادي و لا ارتاح للتفكير المادي. (مَن أَصبَحَ مِنكُم مُعافًى في جَسَدِهِ، آمِناً في سِرْبِهِ، عِندَهُ قوتُ يَومِهِ، فَكَأنَّما حيزَت لَهُ الدُّنيا بحَذافيرِها).

رابعًا: الشكل والحالة الصحية

الاهتمام في الصحه مهم بنسبه لي. و افضل شخص مهتم في صحته. طولي و وزني على تناسب، و افضل وصف المظاهر بعدين.

وصحتك؟

الحمدلله.

خامسًا: الزواج والأسرة

المهر على الاتفاق و ماراح يكون شرط.

هل تفكر بإنجاب أطفال؟

ان شاء الله.

تحب الحيوانات الأليفة؟

احب الحيوانات لكن ما اتعايش معها.

سادسًا: الاهتمامات والشخصية

اخذ الدنيا ببساطة؛ الحياة أقصر من إننا نأخذها بجدية زياده عن اللزوم، (ممكن باستثناء العمل ). المزح والضحك والذبّ الفكاهي شي اتعايش عليه، ومن النوع اللي وسيع صدر وما يزعل من الطقطقة الأخوية. بختصار: أي شخص نكدي و رسمي ما اتعامل معه

أما عن يومياتي، أكره الجمود والتكرار، ولازم أغيّر الجو وأكسر الروتين كل أسبوع. شغفي هو التجربة، السفر، واكتشاف الأماكن الجديدة. الخطوط الطويلة وسواقة الروقان تروّق بالي عالآخر، وتجذبني الطبيعة بكل تفاصيلها من كشتات وهايكنج. وأخيراً، مجرد ما يكون الجو حلو بره، مستحيل أقعد بالبيت... لازم أطلع ولو لدقايق

علاقاتك الاجتماعية؟

اللتزم بالخصوصية و تفريق حياتي الاجتماعية. مثلاً اصحابي ما اتكلم معهم عن دوامي و الي معي في الدوام ما اتكلم معهم عن اهلي. ارتاح للعلاقات القريبة لكن دائرتي واسعه. الاولوية للأهل دائماً و أبداً و علاقتي مع اهلي طيبه الحمدلله.

كيف تعيش يومك؟

أنا إنسان أعشق البساطة، وأشوف إن السعادة في راحة البال مو في الضيقة والتكلف. مظاهر الفخامة والساعات والكشخة الزايدة ما تعنيني أبد، أشوف نفسي بسيط وأحب أعيش حياتي كذا وبدون تصنّع.

لي في الفلسفة وأحب طلب العلم بشكل عام. أحب أفكك وأشتغل على سيارتي ، وحتى شغل البيت أستمتع فيه. الكورة جزء أساسي من روتيني الاسبوعي

السوشل ميديا أشوفها ضياعة وقت ( ريديت أدخله بس للأسئلة و أستفيد من تجارب الناس). اعشق الطبخ، لو يفضى لي الوقت أروق في المطبخ بالساعات. وفي وقت الفراغ، أحلى شيء عندي الجلسة والسواليف مع أي أحد،

صف لنا شوي من أحلامك أو خططك الجاية.

مساري المهني غير عادي. الفرصه اذا جاتني و اشوف اني اتطور فيها و فيها منفعه لنفسي و للناس فاتوكل على الله. ما احد نفسي باحلام او طموح معين. انا احاول قدر الامكان اتقن الي قدامي و اتجه للخطوه الي بعدها. اهتمامي الاول و الاخير هو اهلي (الوالدين بالاخص) لو امورهم تمام، اجل انا اموري تمام ان شاء الله.

وش فيك شيء تحسه يميزك عن غيرك؟

ما اشوف نفسي سبيشل من اي ناحيه. شفت الي احسن و الاسوء. ولا اقارن نفسي بغيري، اشوف ان المقارنه ضعف في الشخصيه.

نوع الأماكن اللي تحب تزورها؟

اي مكان جديد. لكن اعشق الطبيعه و الخطوط البريه. ما افضل الزحمه، و افضل الاماكن الشرحه.

سابعًا: تفضيلاتك في الشريك

اكيد اساسيات الدين، الاخلاق و التربيه. شخص عنده شغف و يطمح للأحسن. محجبه، و ما افضل النقاب.

مبتعثه في امريكا ويفضل انها في مجال صحي

او

هدفها امريكا لدراسه او التدريب و ويفضل انها في مجال صحي

أشوف الشريك المثالي هو الإنسان العقلاني اللي يستوعب إن الحياة مو وردية وبتقسى أكثر بعد الزواج، وعند الاستعداد يضحي عشان تستمر السفينة. تهمني الشخصية الواثقة من نفسها بدون غرور ولا تكبّر، وأهم نقطة عندي؟ يكون الشخص وسيع صدر وماشي بمبدأ "إيزي ڨونڨ" وما يعقّد الأمور

لو الشخص عنده ظرف صحي بسيط أو مزمن، عندك مانع؟ أو يعتمد على الحالة؟

ما عندي مانع.