ماذا لو… الموت مو نهاية؟ وإنما أول لحظة نصحى بيها??🎤✨✨✨

تخيل ويايه شويونه🤏🏻✨✨
كل حياتك من أول يوم انولدت بي إلى هذه اللحظة بكل أفراحها وخساراتها بكل الأشخاص اللي حبيتهم واللي فقدتهم بكل القرارات اللي ندمت عليها أو افتخرت بيها
كلها مجرد حلم
مو حلم يستمر عشر دقائق
حلم يستمر عشرات السنين
وأنت بداخله مقتنع 100٪ أنه الواقع الحقيقي
تروح للمدرسة تكبر تشتغل تتزوج، تخسر تربح تضحك تبچي
كل هذا بالنسبة إلك حقيقي
لكن باللحظة اللي تموت بيها
تفتح عيونك بمكان ثاني
وتكتشف أنو كل اللي عشته ما چان إلا حلم طويل كُلش وأنو حياتك الحقيقية جانت تنتظرك من البداية
الغريب بالموضوع
إحنا كلنا جربنا شعور مشابه ولو بشكل بسيط
مرات نحلم حلم طويل مليان أحداث وتفاصيل وأشخاص ولما نگعد نحتاج ثواني حتى نستوعب أنو كل اللي صار ما چان حقيقة
شنو لو الفرق الوحيد هو أن هالمرة الحلم أطول بهوايه؟
طول عمر كامل
إذا چانت هاي النظرية صحيحة
فشنو راح يصير لمعنى الحياة؟
هل راح تبقى تخاف من الموت بنفس الطريقة؟
هل راح يبقى النجاح والفشل بنفس الأهمية؟
هل الألم اللي نعيشه يصير أقل قيمة لأنه جزء من حلم؟
أو بالعكس
هل كل لحظة نعيشها تبقى ثمينة حتى لو كانت مجرد حلم لأنو المشاعر اللي نحسها حقيقية بالنسبة إلنا؟
وهل إذا عرفت يقينًا أنو الموت مجرد لحظة استيقاظ
راح تعيش حياتك بطريقة مختلفة؟
أو راح تبقى تعيشها بنفس الشكل لأنك ما تگدر تفرق بين الحلم والواقع وأنت بداخله ؟؟🎤✨✨✨✨