خواطر على إثر انتهاء صداقة
مافيش حد باقي ومافيش علاقات بتستمر للأبد، العلاقات بتقوم دايما على أرضية مشتركة، والأرضية دي منفعة قايمة على الأخد والرد، حتى لو المنفعة دي معنوية بحتة زي الونس وإنك بتحب وجود الشخص دا في المطلق وهو كمان شايفك كدا
بمجرد ما المنفعة دي قيمتها بتروح، العلاقة كمان بتبتدي تخف والروابط بتاعتها بتضعف
تخيل خطين بيتلاقوا في نقطة وقربهم بيوصلوا 100% في النقطة دي وبعدين بيكملوا ويبعدوا في بعض ومافيش مجال لأن النقطة دي تتكون تاني لأنهم بيمشوا في اتجاهات متعاكسة
لطيف جماليات أفكار زي الصور اللي بتثبت الزمن والنوستالجيا اللي بتجيلنا من الجاليري لناس عملولنا جوستنج أو كل سبل التواصل معاهم اتقطعت
مافيش علاقات دايمة غير اللي الروابط بتاعتها مافيش سبيل لقطعها ومن هنا بتيجي قيمة الأسرة، لكن دا موضوع تاني
بس يعني حتى الحزن له جماليات صح؟
أو زي ما علاء الديب قال: صحراء على أن أسيرها وحدى .. خائفًا من المشاعر والذكرى
Posted Aug 1, 2026, 3:58 AM UTC