Matod ni Aquino, makatabang kini sa pagdugang sa madala pauli nga kita sa mas daghang mga mamumuo nga Pilipino ug makatabang kanila sa pagsagubang sa taas na kaayong gasto sa panginabuhi. Ubos sa Senate Bill No. 267 ni Aquino, ang gisugyot nga pag-amendar sa National Internal Revenue Code maghatag og exemption sa buhis sa kita alang sa mga indibidwal nga mokita og hangtod P480,000 kada tuig.



Gisang-at niadtong Hulyo 8, 2025, ang maong balaodnon usa sa unang mga lakang nga gisang-at ni Aquino human sa iyang malampusong kampanya sa pagka-senador sa 2025, diin gipadayag sa mga Pilipino ang ilang panawagan alang sa mas barato nga panginabuhi ug mas dakong madala pauli nga kita.

"Hapit na kini usa ka tuig nga wala gihapon kini molihok, busa naglaom kami nga sa pag-abli sa sesyon, maapil kini sa mga prayoridad nga balaod aron makahatag og dayong tabang ug mas maayong sweldo sa atong mga kaigsoonan, nga magdugang sa ilang madala pauli nga kita," matod ni Aquino.

"Panahon na gyud nga ipasar kini nga balaod tungod sa daghang pagsaka sa presyo sa mga palaliton ug serbisyo. Wala nakasunod ang sweldo sa mga mamumuo sa maong pagsaka, ug mikunhod ang ilang gahum sa pagpamalit," iyang gipasabot.



\- Bisaya

\- Bisayang Dako

\- Cebu

\- Davao

\- Cagayan De Oro

\- Bohol

\- Iligan

\- Gensan

\- General Santos

\- Tagum

\- Dipolog

\- Ipil

\- Bukidnon

\- Ozamis

\- Pagadian

\- Malaybalay

\- Butuan

\- Dumaguete

Bam Aquino nagduso og balaod: Kita hangtod P480K kada tuig, way mabayrang buwis (Binisaya)