عملت حاجه غلط و عايز نصيحه

معلش هو الموضوع طويل بس انا هحاول اختصره قدر الإمكان

من شهر تقريبا كنت بكلم مع وحده زميلتي و بهزر معاها أن انا عايز تدريب في شركة، هي سالتني لو انا عايز تدريب بجد فقلت ليها لو تعرفي يبقي كتر خيرك، فهي قالت إنها هتحاول، المهم هي كلمت كذا حد من قريبها و فعلا عرفت تجبلي تدريب و كانت أكدت عليا كذا مره أن انا مينفعش اعمل حاجه غلط وإلا ده هيكون في وشها هي و انا تمام و كل حاجه.

التدريب كان المفروض النهارده، بابا جالي امبارح و قال لي أن هو جاب لي تدريب في شركة و أن هو كلم الناس خلاص و أن انا لازم اروح و مش عارف ايه.

انا بعتلها امبارح بقول لها علي الحصل هي اتصلت بيا و بتقول لي (انت جي تلغي قبلها بيوم) و (أن طول ما انا اديت كلمه لازم اكون قدها) و ( أن انا حتي متصلتش بيها انا بعتلها) و (إنها مش مصدقه القصه الانا قلتها دي) انا قلت لها انا ممكن اوريكي اثباتات علي كلامي و حلفت لها أن ده الحصل و هي برضوا

انا متفهم وجهت نظرها جدا، انا عايز اكلمها اعتذر بس مش عارف اقول ايه، و انا المزعلني أن انا فعلا غلطان، انا بفكر اكلمها اقول لها " انا اسف علي الموقف ده بس ده والله مش في أيدي و أنا كنت هروح لحد اخر لحظه والله و مبسوط بالتدريب و مقدر المجهود الانت عملتيه عشان تعرفي تجبي ليا التدريب" بس حاسس ان ده مش كافي

و لو حد شايف أن انا استني لحد ما الدنيا تهدأ انا عندي وجه نظر "انا لو سبت النار تنطفئ لوحدها مش هتخلص إلا و هي مخلصه علي كل حاجه"