ده fear of commitment؟

اتعرفت من فترة على حد على موقع random chat كده

مصري عادي وانا كنت مقفولة يومها ومعتمدة ان كده كده شخص لا اعرفه ولا يعرفني فاتكلمنا كتير وفي الاخر قاللي تحبي نتكلم تاني وبتاع؟ فعملنا لبعض فولو على تويتر ومن وقتها اتكلمنا حوالي اسبوع مثلا

شخص لطيف ودماغنا قريبة من بعض، بس ده كله احنا اغراب يعني محدش فينا حاطط صورته عرفنا بس اسماء بعض وفي وسط الكلام عرفت قاعد فين وشغله وكليتي وكده

بس يعني مكنش في بداية معينة للكلام فاهميني؟ يعني هو مش في دوايري خالص لا شغل ولا كلية ولا كده ولا انا اعرف عنه حاجة اصلا وهو نفس الكلام فبيبقى في كل حاجة واي حاجة بقى

علاقة غير محددة كده

والموضوع بدأ يدخل كومفورت زون

بس يعني انا من النوع اللي بيحس اني بعمل حاجة غلط يعني الناس اللي بيبقوا معايا في الشغل او الدراسة او كده بيبقى في بداية ونهاية للكلام وفرص تانية للكلام لو حبيت

انما مش طبيعي حتى مع صحباتي اني اكون بتكلم طول الوقت في كل واي حاجة كده

فيعني بحس انه انا بعمل ايه هنا طيب؟ ايه مسمى العلاقة دي

فقلت الكلام اللي مكتوب فوق ده وهو قاللي انا متفهم وكلامك صح وبتاع

وقفلنا كلام اللي هو لو احتجت حاجة تقدر تبعت والكلام ده

هو انا كده غلط؟هل انا كده مبديش لنفسي فرصة مع حد ممكن يكون كويس مثلا؟

ده fear of commitment مثلا؟

مش عارفة

يعني انا بأمانة كنت مستمتعة والكلام كان حلو فاهمين؟ وده اللي كان محسسني انه طب انا بعمل ايه مين ده اصلا؟

قبل كده حصل موقف شبهه تقريبا بالظبط مع حد تاني على ريديت بنفس الشكل وانا انسحبت واحدة واحدة

مش عارفة

يعني من ناحية عارفة اني صح ومن ناحية انا ببقى عايزة الوضع ده انا ببقى عايزة اكلم حد واحكي وحد يحكيلي وبتاع

وده مش فضا والله انا فعلا مش فاضية وبعمل حاجات وكده😂

ولا حياتي فاضية من الناس الحمدلله

ومن ناحية بردو مش عارفة هو ايه الصح هنا