الشيوعية

اخواني هاذه السم جاي ينتشر بكثره بمراهقين هاذه الزمن واتمنى تعرفون وتقرون الدول الي جانت تحت هاذه الحكم شنو صار بيها من كوارث. الشيوعيه مو افضل حل للعراق ولا راح تقدم حالنه حال الدول المتطوره والصين نجحت مو بسبب الشيوعيه كان نجاحها بسبب رجال عمال رأسماليين. واذا نكول إذا نجحو بتغير الحكم للشيوعي فراح تطلعلك امريكا صفح وتخليلك حصار ٦٠ سنه ليكدام مثل كوبا ف هاذه الفكر مايفيد وجاي ينتشر عند المراهقين الي ماقارين عن المجازر الي صارت بسبب الشيوعيه يعني بألمانيا الشرقيه (الي جانت تحت حكم شيوعي) ناس جانت تطبخ جرذان وياكلوهن بسبب الفقر مو بس المانيا ايضا كان نفس الشي في بولندا ورومانيا بفترة الحرب البارده وعندي صديق روسي كبير بالعمر يشرح معاناة الجوع الي مرو بيها. اتمنى الناس توعي على روحها لان الشيوعيه افشل فكر على مر العصور. ولحد يجي ويكول انته ذيل ومادري شنو لان اني مو متدين اني جاي احجي عن تاريخ هاذه الفكر البائس الي مايوكل خبز. أقرو شنو صار بالهولودومور وليش اقتصاد اوربا الشرقيه ضعيف جدا مقارنة بدول اوربا الغربيه (شي اكيد بسبب الشيوعيه). واني مستعد احلف يمين المراهقين شايفيلهم كم تصميم عن الاتحاد السوفييتي وقررو يتبنون هيج فكر لان مستحيل وره كل الي صار الفكر جاي يرجع ينتشر من جديد (حتى الروسيين أكثريتهم مايردونه يرجع) وخصوصا بجنوب العراق.