قصتي طويل حيل وية الاقسام داخلية

اني علي

من الموصل 19 سنة

طبعا اني جنت شاب شغوف حالي حال اي شخص بالعراق وصلت لمرحلة سادس طبعا ما ححجيلك انو اتأكبت وتمرغلت علمود اطلع معدل لا هاي سالفة صارت قديمة. ولا شيء اصلا بالنسبة للمعانة جاي اعيشها

طبعا اني جان حلمي اطب كلية هندسة بجامعة تكنولوجية وبما ان تجري الرياح بما لا تشتهي السفن طلعت معدل 95% وهسة لازم اروح لجامعة محافظات

محد قبلني لا اكلك ولا تكلي

فقط جامعة البصرة

بصراحة جنت متردد

لئن اني انسان كلش استقلالي واحب اعتمد على نفسي وبس وما احب اختلط

واحب اكون وحيدي جنت اعرف انو بكل قسم يوجد شخص الي يحاول بكل طرق علمود يكون القائد العام للغرفة ويتحكم بالكل

وهمين اني انسان جدا انطوائي عندي فقط صديق واحد من تكريت ويدرس وياي ايضا بنفس الجامعة ونفس الانطوائية اني ويا

هذا كل معارفي ما عدا اهلي يعني

ولسوء الحظ وللمرة ثانية

الله حطني بمجموعة شباب مختلفة عني بكلشي حرفيا

يعني حتى شعري الي مربيه وظافره همة مزينين اصلع وميحبون شعر طويل لهدرجة احنا مختلفين عن بعض

ياخي اجتماعيين بطريقة مضايقة جدا

يعني الغرفة 32 متر

يوم جمعة والاحد والسبت الي هي عطلتنا ما الك محط رجل بالغرفة خصوصا اذا جنا فارغين وما عدنا امتحانات

يعني ما اعتقد تكدر تتنفس كأنسان طبيعي وسط 50 نفر محشورين حشر ب32 متر بغرفا حتى مكيف ما بيها

ولازم اضل اسمع صياحهم وصوتهم المزعج ونكتهم ومزاحهم سخيف

قدمت طلب نقل اكثر من مرة وما قبلوني

وطبعا اني اكيد ما استنقص من الشباب الي وياية لئن همة اجتماعيين حالهم حال البشر مو ذنبهم اني انطوائي

بس ياخي ليش تجيب كل 3 ايام 50 نفر وتحشرهم

اريد انام واحد يجي يكعد على رجلي وزنه طنين ونص

واحد على بطني وحتى على راسي

طبعا هاي خلصانين من يمها

هسة تجي على سالفة

الاكل

اني مو ذنبي اذا حضرتكم تحبون تطبخون وتجربون

اني انسان احب اكل بعد ساعات من تعب والدراسة احب اكل شيء طيب

انوب اكلهم يلعب ستين نفس وتعال علاوي اشترك ويانة بالاكل علمود نشتريه

اي اني ما اكل وياكم ليش ممكن اشترك

انوب يحرجون ويجربوني اشتري

والخصوصية ما احجيلكم معدومة حرفيا عدهم

يعني لدرجة اشوف البلي الخاص بية يسحبون من جنطتي ويلعبون بيه المشكلة اني انزعج من واحد ياخذ اغراضي بدون اذني (اقصد اذن مني)

طبعا اني هاي من عدى الاكل الي حرفيا نوبات افكر اجيب ثلاجة خاصة بية اني وبس وانتةة متشاركني بشي

يعني اني اجيب اكل جاهز

الي يتبقة من يمة احطة بلثلاجة علمود اكله بعدين

ليش انتة تجي وتاخذة

مع العلم امنعهم اكثر من مرة وماريد افشلهم

وطبعا بلكوة مستحمل نفسي وكاعد هنا خنكة حرفيا حموت

هاي من عدى انو اني مجاي احاول اتقربلهم او اصير صديقهم وهمة يدرون بنفسهم معامليني معاملة زميل بس همة يجون عندي بس علمود اصرف على الغرفة.

وهسة حاليا صار بية فقر دم بسبب نقصان الوزني ماعرف بسبب ههههه

الايجابيات

التدريس زين

والمختبرات يعني متوسطة الجودة

الاساتذة لا جبابرة

بس الطلاب مخربطين ويحتاج تكون اجتماعي حتى تكدر تتعايش

عالعموم حاب اسمع رأيكم كلش مهتم اسمع اقتراحاتكم