فضفضة

علاقتي بأهلي صايرة تدمرني نفسياً وجسدياً
عمري 19 سنة، ومن عمر الـ 13 وآني عايشة بتقييد وسيطرة مو طبيعية.. وصلت بيهم حتى الروحة للطبيب يشوفوها 'رفاهية'، رغم همَ أطباء! ضاعت مني كومة فرص بسبب تفكيرهم

طول عمري أحاول أرضيهم، بس بس أطلع بغلطة صغيرة ينسون كلشي ويرجعوني لنقطة الصف ومايقبلون اشتغل أو أتعرف على ناس، يريدوني أظل معتمدة عليهم مادياً حتى يضغطون عليّ شوكت ما يعجبهم

وفوق كل هذا أني البنية** **الكبرى.. يعني لازم أكون مثالية، وأدير بالي عليهم وأصلح أغلاطهم، بس محد منهم يلتفت لتعبي أو ينتبه لمشاعري

تعبت وطاقتي خلصت، مرات أحس أني أرد أختفي بس حتى أخلص من هذا الثقل رغم أني بداخلي صدك أرد أعيش وأستمتع بشبابي بس أخاف من عقابهم ومواجهتهم.. شلون أبدأ أتمرد بذكاء، أرجع نفسي، وأبني شخصيتي بعيداً عن سيطرتهم؟