المكان الجديد

توظفت في شركة جديدة، ومن البداية كنت أحاول أتعلم وأتأقلم مع الشغل والتقنيات الجديدة علي. أدائي ما كان مثالي وكنت عارفة إن عندي أشياء أحتاج أطورها، لكن مديري كان يقول لي إني قاعدة أتحسن وإن أدائي كويس بالنسبة لمستواي الوظيفي.
المشكلة إن بيئة العمل بدأت تأثر علي نفسيًا.** حسيت فيه كلام وقيل وقال عني**،** ووصل الموضوع إني سمعت شخص يتكلم ويقول شيء بمعنى: “ليش ما يفصلونها**؟”.** الكلام كان قريب جدًا من وضعي لدرجة إني حسيت إنه عني، وبعدها صرت مو مرتاحة أجلس حول الفريق.
كلمت مديري بصراحة وسألته إذا فيه مشكلة فعلية في أدائي أو إذا وظيفتي بخطر. قال لي لا، وإنه يشوف إني قاعدة أتحسن، وإن عندي ملاحظات على طريقة الحل وفهم السيستم لكنها أشياء تتحسن مع الوقت والخبرة، وقال إن الكلام اللي سمعته غالبًا مو عني.
بس الصراحة بعد اللي صار، ومع إحساسي إني مو راضية عن أدائي أصلًا، بديت أفكر جدياً بالاستقالة. جزء مني يقول أطلع وأبدأ من جديد بمكان ثاني، وجزء يقول يمكن قاعدة أتخذ قرار كبير وأنا متأثرة من اللي ص**ار.
لو كنتوا مكاني، تكملون وتعطون أنفسكم فرصة؟ ولا تطلعون؟